Naligiissitaaneq
Sammisami matumani suiaassuseq malillugu inuiaqatigiinni assigiinngissutsinik kisitsisitigut paasissutissat nalunaarsuutillu pingaarnerit saqqummiunneqarput. Suiaassuserlu malillugu assigiinngissutsinut tunngasut paasissutissat soorlu isertitanut tunngasut, ilinniartitaanermut tunngasut aamma suliffeqarnermut tunngasut matumani nassaarineqarsinnaapput.
Ataatsimut isigalugu nalunaarsuutinik tunngaveqartunik paasissutissiinissaq naligiissitaanermullu tunngasuni annertunerusumik misissueqqissaarnerni nalunaarsuutinik tunngaviusunik pilersitsinissaq siunertaavoq. Sammisani tabelit kisitsisitigullu paasissutissat annertunerusumik misissuataarneqarsinnaapput Kisitsisaataasivimmut aamma Naatsorsueqqissaartarfimmit saqqummersitanut iserfissat atorlugit. Taakku sammisani tamani nassaarineqarsinnaapput.
Isertitat
Angutit agguaqatigiissillugu isertitaat arnat agguaqatigiissillugu isertitaannit annertunerupput.
Ataani titartakkami takutinneqarput isertitat inuussutissarsiornerminngaanneersut akileraarusersimanngitsut malillugit isertitat assigiinngissutaat. Inuussutissarsiorluni isertitani akissarsiat kisimik pineqanngillat, namminerli suliffeqarfimmik ingerlatsinermi isertitanik aamma imaqarput. Paarlattuanik inunnik isumaginninnermi tunngasut assersuutigalugu pisortanik ikiorsiissutit inuussutissarsiorluni isertitanut ilaanngillat.
Angutit inuussutissarsiornermi agguaqatigiissillugu isertitaat arnat isertitaannit procentinngorlugu qanoq annertutiginerat titartakkami takuneqarsinnaavoq. 2023-mi innuttaasut 14-ileereersimasut tunngavigalugit nikingassut 24,2 pct.-imik annertussuseqarpoq.
Angutit arnallu akornanni agguaqatigiissillugu isertitat nikingassutaat assigiinngitsunik arlalinnik peqquteqarsinnaavoq, assersuutigalugu piffissat suliffiusartut assigiinnginnerinik, ilinniakkat qaffasissusaanni ilinniakkallu sammiviini aamma ukiut malillugit assigiinngissutsit.
Isertitat nikingassutaat, inuussutissarsiornermit isertitat malillugit
Isertitat nikingassutaat, ilinniagaq qaffasinnerpaatut naammassisimasaq malillugu - 2023, Isertitat akileraarutinik allanilluunniit ilanngarneqanngitsut
| Meeqqat atuarfiat | Ingerlaqqilluni ilinniarnerit |
|---|---|
| 27.5 | 22.3 |
Ilaqutariit
Meeqqat amerlasuut ilaqutariinni ataasiinnarmik angajoqqaaqarlutik perortarput, taamaattoqartillugulu amerlanertigut angajoqqaaq pineqartoq arnaasarpoq.
Titartakkami takutinneqarpoq meeqqat angajoqqaami ataatsimi najugallit amerlassusaat, angajoqqaat suiaassusaat malillugit.
Meeqqat ilaqutariissiariinni peroriartortut aamma arnaminni taassumalu aappaani najugaqarajuttarput. Diagrammimi takutinneqarpoq meeqqat arfinilinnik ukiullit ilaqutariinni sorlerni peroriartornersut. Meeqqallu 46 pct.-ii angumminnik najugaqateqanngillat.
Ilaqutariit 18-it inorlugit ukiulinnik minnerpaamik ataatsimik meerartallit
Meeqqat arfinilinnik ukiullit, ilaqutariit suussusaat malillugit - 2025
| Angajoqqaat | 375 |
| Anaanaq kisimiittoq | 224 |
| Anaanaq inooqatilik | 86 |
| Soqanngilaq | 52 |
| Ataataq kisimiittoq | 35 |
| Ataataq inooqatilik | 14 |
Ilinniartitaaneq
Arnat angutiniit amerlanerusut meeqqat atuarfiannit qaffasinnerusumik ilinniagaqartarput.
Titartakkami takuneqarsinnaavoq 16-imiit 74-inut ukiullit, meeqqat atuarfiannit qaffasinnerusumik ilinniagaqarsimasut, annertussusaat. 2023-mi arnat 48 pct.-inik annertussuseqarput angutillu 40 pct.-inik.
Kinguaariit akornanni ilinniakkat qaffasissusaat assigiinngillat, sumilu inunngorsimaneq aamma qaffasissutsimut apeqqutaasinnaavoq. Assersuutigalugu innuttaasut Danmarkimit nunasinikut – taakkunannga amerlanerit angutit – agguaqatigiissillugu innuttaasunit Kalaallit Nunaanni inunngorsimasunit qaffasinnerusumik ilinniagaqarsimasarput.
Innuttaasut 16-74-inik ukiullit meeqqat atuarfiannit qaffasinnerusumik ilinniagallit annertussusaat
Kalaallit Nunaanni inunngorsimasut ilinniakkani toqqartukkani amerlassusaat
| Ilinniakkap Qaffasissusaa | Arnat | Angutit |
|---|---|---|
| Kandidatinngorniarneq | 309 | 134 |
| Ilisimatuunngorniarneq | 14 | 2 |
- Innuttaasut qaffasinnerpaatut ilinniagaat
- 2012-imiit 2024-imut ilinniartut suliffeqarfiit inuussutissarsiorfii malillugit
- Ilinniarnerit unitsinneqartut
- Ilinniakkap aallartinneranit ukiut 1-10 qaangiunnerini ilinniakkap killiffia
- Ilinniakkanik ingerlatsisut
- Ikaarsaarnermi misilitsinnerit inerneri
- 16-25-nik ukiullit ilinniarnerat suliffeqarnerallu ilinniakkap naammassereernerata kingorna
- GUX-mi inernerit; agguaqatigiinni, suiaassuseq, ukioq
- Ilinniarnerit aallartinneqartut
- Tunngaviusumik atuarfimmi karakteerit
Suliffeqarneq
Angutit arnallu suliffillit annertussusaat assigiikannerpoq.
Titartakkami takuneqarsinnaavoq innuttaasut najugaqavissut 14-inik ukioqalereersimasut - piffissap affaanut imaluunniit piffissaq tamakkerlugu suliffillit annertussusaat. 2023-mi agguaqatigiissillugu angutit 68 pct.-ii arnallu 67 pct.-ii suliffeqarsimapput.
Suliffilinni pineqartut tassaapput akissarsiallit aamma namminersortut. Ukiut aamma ilinniakkap qaffasissusaa suliffillit annertussusaannut sunniisarput. Taamaattunik titartakkami assigiinngissutsit ilaatigut arnat amerlanerit ilinniakkamik ingerlatsinerannik kiisalu ukioqqortunerit akornanni, suliffeqarnerup naliginnaasumik annikinneruffiani, arnat amerlanerungaatsiarnerannik takutitsivoq.
Innuttaasut 14-ileereersimasut suliffillit annertussusaat
Peqqinneq
Arnat angutinit inuuneqqortunerupput.
Titartakkami takutinneqarpoq inuuneqqortussuseq, agguaqatigiissillugu inuup ataatsip qanoq sivisutigisumik inuuneqarnissaanut, inuiaqatigiinni toqusoqartarnerata annertussusaa aallaavigalugu, uuttuutitut naatsorsorneqarsimasoq. Agguaqatigiissillugu inuuneqqortussuseq naatsorsorneqarsimasoq arnanut ukiunik 3,6-inik angutinit sivisuneruvoq.
Angutit sivikinnerusumik inuuneqartarnerannut peqqutaaqataapput imminut toquttarnerit ajunaarnerillu, pingaartumik angutit inuusunnerusut akornanni nalaanneqarajuttut.
Inunngortut malillugit inuuneqqortussuseq
Imminut toquttarneq – 1990-imiit
| Arnat | Angutit |
|---|---|
| 379 | 1185 |
Inuussutissarsiorluni suliaqarfik
Inuussutissarsiorluni suliaqarfinni arnat angutillu sumi suliffeqarneri assigiinngissuteqangaatsiarput.
Arnat angutillu inuussutissarsiorluni suliaqarfinni toqqartukkani assigiinngissutaat annertooq titartakkap takutippaa. Pisortat suliffeqarfiini arnat annertuumik amerlanerungaatsiarput, angutilli suliaqarfinni aalisarnermut aamma sanaartornermut tunngasuni amerlanerullutik.
15-ileereersimasut suliaqarfiat pingaarneq
sulisorineqarsinnaanngitsut
| Angutit | Arnat |
|---|---|
| 4235 | 3788 |