Ilinniarnertuunngorniarnermiit ingerlariaqqiffiusumik ilinnialernerit
Ilinniarnertuunngorniarneq ingerlariaqqiffiusumik ilinniakkanut ingerlaqqinnissamut pingaarnertut piareersarfiuvoq, soorlu ingerlariaqqiffiusumik ilinniakkanut naatsunut, bachelorinngorniarnernut, professionsbachelorinngorniarnernut kiisalu kandidatinngorniarnernut. Kisitsisini paasissutissani matumani ilinniarnertuunngorniarnermi ukiunik pingasunik sivisussuseqartumi nalunaarsuutit kisimik suliarineqarput.
Ilinniartut 2023-mi ilinniarnertuunngorniarnermik naammassisimasut 42 pct.-ii ukiut marluk ingerlanerini ingerlariaqqiffiusumik ilinniarnermik aallartitsisimapput. Tamanna ukiup siuliani naammassinnissimasunut naleqqiullugu 7 pct.-mik qaffariarsimalluni. Ukiunili 2008-2015 ilinniarlutik naammassisaqarsimasut annertussusaat appariartorsimavoq, 2015-2018-imi qaffariarsimasoq, 2008-2023-milu ilinniarnertuunngorsimasunut naleqqiullugit 33 pct. point-inik appariarsimalluni, tassani ilinniartut ukiut marluk ingerlanerini ingerlariaqqiffiusumik ilinniarnermik aallartitsisimasut 75 pct.-iupput.
2023-mi ilinniarnertuunngorsimasut 13 pct.-ii inuussutissarsiornermik ilinniakkanut ingerlaqqissimapput. Ataatsimullu isigalugu 2008-miit 2023-mut ilinniarnertuunngorsimasut ukiut marluk ingerlanerini ingerlariaqqiffiusumik imaluunniit inuussutissarsiornermik ilinniarnermik aallartitsisimasut 79 pct.-iniit 55 pct.-imut appariarsimapput.
Titartagaq 1: Ilinniarnertuut ukiut marluk ingerlanerini ingerlariaqqiffiusumik imaluunniit inuussutissarsiornermi ilinniakkamik aallartitsisimasut annertussusaat, 2007-imiit 2023-mut
Nalunaarut: Ilinniarnertuunngorniarneq ukiunik pingasunik sivisussuseqartoq kisimi pineqarpoq.
Najoqqutaq: Naatsorsueqqissaartarfik - Kisitsisaataasivimmi kisitsisit takukkit (https://bank.stat.gl/UDNTRGU1).
Ingerlariaqqiffiusumik ilinniakkani aallartitsisartut annertussusiisa appariarnerat ilinniarnertuunngortut amerlassusaannut naleqqiullugu naatsorsorneqassaaq. Piffissami 2015-imiit 2023-mut ilinniarnertuunngorniarnermik ukiunik pingasunik sivisussuseqartumik naammassisaqarsimasut amerlassusaat 9 pct.-inik qaffariarsimalluni, ingerlariaqqiffiusumilli ilinniarnermik aallartitsisimasut piffissami pineqartumi aallartitsisimasut 4 pct.-inik appariarsimallutik.
Titartagaq 2: Ilinniarnertuut amerlassusaat, 2007-imiit 2023-mut
Nalunaarut: Ilinniarnertuunngorniarneq ukiunik pingasunik sivisussuseqartoq kisimi pineqarpoq.
Najoqqutaq: Naatsorsueqqissaartarfik - Kisitsisaataasivimmi kisitsisit takukkit (https://bank.stat.gl/UDNTRGU1).
Suiaassutsit malillugit ingerlaqqittarnerit annertussusaat
Arnat angutinit amerlanerusut ilinniarnertuunngorniarnermik aallartitsisarput, naammassinnittarlutillu. Nalinginnaasumillu aamma arnat amerlanersaat ingerlariaqqiffiusumik ilinniarnermik aallartitsisarput. Ukiunili kingullerni tamanna allanngorsimavoq, 2017-imimi ilinniarnertuunngorsimasuni ingerlariaqqiffiusumillu ilinniarnermik aallartitsisimasuni angutit amerlassusaat annertunerulaarpoq. 2018-imiit 2023-mut ilinniarnertuunngorsimasut akornanni ingerlaqqiffiusumik ilinnialersimasut arnat amerlanerupput.
Titartagaq 3: Ilinniarnertuut ukiut marluk ingerlanerini ingerlariaqqiffiusumik ilinniarnermik aallartitsisimasut suiaassusaat malillugu, 2007-imiit 2023-mut
Nalunaarut: Ilinniarnertuunngorniarneq ukiunik pingasunik sivisussuseqartoq kisimi pineqarpoq.
Najoqqutaq: Naatsorsueqqissaartarfik - Kisitsisaataasivimmi kisitsisit takukkit (https://bank.stat.gl/UDNTRGU2).
Ilinniarnertuunngorniarfiit
Ilinniarnertuut qanoq amerlatigisut ingerlariaqqiffiusumik ilinniakkanut ingerlaqqittartut ilinniarnertuutut naammassiffigisimasaat malillugit assigiinngitsorujussuupput. 2023-mi ilinniartuunngorsimasut akornanni GUX Nuuk-mi naammassinnissimasut ukiullu marluk ingerlanerini ingerlariaqqiffiusumik ilinniarnermik aallartitsisimasut 48 pct.-iupput, GUX Qaqortoq-milu 33 pct.-iulluni. Atuarfiilli isigissagaanni ilinniarnertuunngortut ikipput, ukiumi naammassiffiusumi ilinniarnertuunngortoq 1-2 pct.-inik annertussuseqarmat. Taamaattumik piffissap ingerlanerani ilinniakkanut ingerlaqqittartut annertuumik allanngorarsinnaapput.
Titartagaq 4: Ilinniarnertuut ukiut marluk ingerlanerini ingerlariaqqiffiusumik ilinniarnermik aallartitsisimasut amerlassusaat ilinniarnertuunngorfik malillugu, 2018-imiit 2023-mut
Nalunaarut: Ilinniarnertuunngorniarneq ukiunik pingasunik sivisussuseqartoq kisimi pineqarpoq.
Nalunaarut: Ilinniarnertuunngortut ikittuinnaanerat peqqutaalluni ilinniartoq ataaseq 1-2 pct.-inut naatsorsorneqarpoq. Taamaattumik piffissani ilinniarnernut ingerlaqqiffiusuni amerlassutsit ilaasa allanngorarnerat ilinniarnertuunngortut ikittuinnaanerannik tunngaveqarsinnaavoq.
Najoqqutaq: Naatsorsueqqissaartarfik - Kisitsisaataasivimmi kisitsisit takukkit (https://bank.stat.gl/UDNTRGU1).