Periaaseq

Siunertaq

Inuussutissarsiummik ilinniarfiit amerlanersaat ilinniarnermi suliffimmik misiliiffissamik nassaarsimasunit taamaallaat aallartiffigineqarsinnaapput . Suliffinni ilinniartunut inissat taamaasillutik inuussutissarsiornermi ilinniakkani ilinniartut amerlassusiisa ineriartornerannut sunniuteqartarput. Inuussutissarsiornermi ilinniakkat saniatigut annertunerusumik paasissutissiiniarluni ilinniartunut inissat kisitsisitigut paasissutissaat suliarineqarput. Tassanittaaq takutinneqarpoq suliaqarfinni ilinniartut annertussussat taakkunanilu ineriartorneq.

Paasissutissat tunngavigineqartut

Ilinniagaqarnersiuteqartitsivimmit ilinniartunut tapit tunngavigalugit kisitsisitigut paasissutissat suliarineqarput. Ilinniartumut ataatsimut qaammammut ataasiarluni suliffeqarfiit tapisisarput. Aningaasaqarnermut inatsimmut ilanngunneqartarput ilinniartunut tapisiat qanoq annertugissanersut (takuuk konto pingaarneq 40.02.06, Ilinniarnermi tapiissutit meeqqanullu tapit) ilinniarfiit suuneri ukiullu ilinniarfiusut apeqqutaallutik tapit assigiinneq ajorput.

Ilinniartut sungiusarlutik suliffissarsisinnaanngikkunik ilinniarfimmiiutigalutik INUILI-mi KTI-milu sungiusarsinnaapput. Ilinniartut ilinniarfimmiiutigalutik sungiusartut kisitsisitigut paasissutissani uani ilaanngillat.

Periaaseq

Ilinniartunut tapisiat tunngavigalugit ilinniartunut inissat qaammatikkaarlugit naatsorsorneqartarput. Ukiup ingerlanerani kukkusumik ilinniartunut tapisisut aamma ilinniartunut tapisinngitsoortut ukiup tulliani marsimi iluarsineqartarput.

  1. januaari 2018 aallarnerfigalugu Kalaallit Nunaanni suliffeqarfiit Det Centrale Virksomhedsregisterimi (CVR) -miit nalunaarsorneqalerput. Branchelersueriaaseq nutartigaq DB07 atorlugu suliffeqarfiit sunik suliaqarneri tassani allaqqapput. Siornatigut branchelersueriaasitoqaq GB2000-mik taaneqartartoq atorlugu Kalaallit Nunaanni Inuussutissarsiummik Ingerlataqartunik Nalunaarsuiffik (IIN) atorlugu suliffeqarfiit sunik suliaqarnerinut immikkoortiterneqarput,. Saqqummersitami uani branchinut tunngassuteqartut kingumoortumik iluarsaanneqarput. Ilinniarnermut sungiusarluni sulineq ilinniarfimmut atassuserniarlugu ilinniartunut tapisiat pillugit paasissutissat ilinniagaqarnersiuteqartitsivimmit paasissutissanut taputartuullugit suliarineqarput.

Naatsorsuineq

Ilinniartut pilluigit naatsorsuutit qaammatikkaarlugit, suliarineqarput suliffeqarfiit suliaqarfiinut, ilinniarfinnut (ISCED Fields of Education 2013) aamma distriktinut (kommuniusimasunut) immikkoortillugit. Tabelit tamarmik suiaassutsinik aamma ukioqqortussutsinik immikkoortitsiviusinnaapput.

Ajoqutit aamma ilanngutinngitsuukkat

Kisitsisitigut paasissutissani ilinniartut suliffeqarfii ilinniartumut tapisisartut taamaallaat ilanngunneqarput. Inuussutissarsiummik ilinniartut ilinniarnermi suliffigisaat kisimik ilinniartunut tapisisarput. Taamaattumikilinniartut uku kisitsisitigut paasissutissanut ilaanngillat:

• Ilinniartut inersimasut

• Ilinniartut ilinniagaqarnermusisartut, ass. inulerinermik suliaqartut, ulluunerani neqeroorutini ikiortit aamma peqqissaannermik ikiortit

• Ilinniartut ilinniarfimmi suliffimmik misiliisut

• Ilinniaqqittut suliffimmik misiliisut, ass. Akademimik ilinniagallit