2023-p naanerani Kalaallit Nunaanni inuusuttut 16-it 25-llu akornanni ukiullit 5.088-it imaluunniit 69 pct.-ii ilinniarfinnut suliffeqarfinnulluunniit atassuteqarput. Taakkunannga 28 pct.-it ilinniakkamik, efterskoleni, tunngaviusumik qaffasinnerniluunniit ingerlatsipput, 42 pct.-iilu suliffeqarlutik.
2023-mi inuusuttut ilinniakkamik ingerlatsinngitsut suliffeqanngitsulluunniit 31 pct.-inik annertussuseqarput. 2016-imiilli annertussusaa nikissimanngilaq. Piffissamilu pineqartumi inuusuttut suliffillit 3 procentpointinik qaffassimavoq, ilinniakkamik ingerlatsisut 2 procentpointinik apparsimavoq.
Titartagaq 1. Inuusuttut 16-it 25-llu akornanni ukiullit nalunaarsorsimanerat malillugu, 2016-2023
Najoqqutaq: Naatsorsueqqissaartarfik – kisitsisaataasivimmi kisitsisit takukkit (http://bank.stat.gl/UDNUMG3).
Nalunaarut: Tabelimi inuusuttut Kalaallit Nunaata avataani efterskolertut ilinniakkamillu ingerlatsisut ilanngunneqarput.
Saqqummersitami matumani Kalaallit Nunaanni inuusuttut suliffeqarnerat ilinniarnerallu sammineqarpoq. Inuusuttut ilinniakkamik ingerlatsinngitsut imaluunniit suliffeqanngitsut inuusuttunik sullinniakkanik taaneqarput.
Inuusuttuni sullinniakkani pineqarput inuusuttut suliffeqanngitsut aammalu suliffissarsiortutut nalunaarsorsimanngitsut. Periaatsimut immikkoortumi nassuiaat malillugu inuusuttut ilinniakkamik ingerlatsisutut nalunaarsorsimasut, Ilinniagaqarnersiuteqartitsivimmili nalunaarsorsimanngitsut, inuusuttunut sullinniakkanut ilanngunneqarput.
2023-mi innuttaasut akornanni inuusuttut 7.323-t ataani takutinneqarput. Inuusuttut ilinniakkamik ingerlatsisut saniatigullu suliffillit ilinniakkamik ingerlatsisutuinnaq nalunaarsorneqarput. Ilinniakkamillu ingerlatsisut efterskolernermut, inuusuttunut ilinniarfinnut ingerlariaqqiffiusumillu ilinniarnermut immikkoortiterneqarput.
Titartagaq 2. 2023-mi inuusuttunut 16-it 25-llu akornanni ukiulinnut nalunaarsuutit
Najoqqutaq: Naatsorsueqqissaartarfik – kisitsisaataasivimmi kisitsisit takukkit (http://bank.stat.gl/UDNUMG3).
2023-mi ilinniakkamik ingerlatsisut annertussusaat ukioqqortusiartorneq malillugu appariarput. 16-iniit 18-inut ukiullit 41 pct.-ii ilinniartuusut 25-nik ukiullit 24 pct.-ii ilinniartuupput.
Suliffillit annertussusaat ukioqqortusiartorneq malillugu qaffalaarsimapput. 16-iniit 18-inut ukiullit akornanni 19 pct.-it suliffeqarput, 25-nilli ukiullit 55 pct.-ii suliffeqarlutik.
Inuusuttunilu sullinniakkani pineqartut annertussusaat ukioqqortusiartorneq malillugu aamma appariarput. 2023-p naanerani 16-iniit 18-inut ukiullit akornanni 40 pct.-it suliffeqaratillu ilinniakkamik ingerlatsinngillat, 25-llu ukiullit akornanni 21 pct.-iullutik.
Titartagaq 3. 2023-mi inuusuttut 16-it 25-llu akornanni ukiullit, ukiut nalunaarsugaanerlu malillugit
Najoqqutaq: Naatsorsueqqissaartarfik – kisitsisaataasivimmi kisitsisit takukkit (http://bank.stat.gl/UDNUMG3).
2023-mi inuusuttut 16-it 25-llu akornanni ukiullit 42 pct.-ii ilinniakkamik ingerlatsipput imaluunniit inuusuttunut ilinniarfimmik naammassinnissimallutik.
Titartagaq 4. Inuusuttut 16-it 25-llu akornanni ukiullit inuusuttunut ilinniarfimmik naammassinnissimasut ingerlatsisulluunniit annertussusaat, 2016-2023
Najoqqutaq: Naatsorsueqqissaartarfik – kisitsisaataasivimmi kisitsisit takukkit (http://bank.stat.gl/UDNUMG3).
Nalunaarut: Ilinniakkamik ingerlatsisuni ilinniartut siornatigut inuusuttunut ilinniarfimmik naammassinnissimanngitsut kisimik pineqarput.
Nuna tamakkerlugu agguaqatigiissitsinermut 32 pct.-iusumut naleqqiullugu Upernavimmi Qaanaamilu inuusuttut 40 pct.-init annertunerusut inuusuttuni sullinniakkani nalunaarsorsimapput. Upernavimmi inuusuttut sullinniakkat 2018-imi 37 pct.-iniit 2023-mi 41 pct.-inut qaffassimapput.
Tabel 1. Inuusuttut sullinniakkat agguaqatigiissinneri, 12-inik ukioqarnermi najugarisaat malillugit; 2016-2023
2016 | 2017 | 2018 | 2019 | 2020 | 2021 | 2022 | 2023 | |
---|---|---|---|---|---|---|---|---|
Nanortalik | 37 | 31 | 32 | 34 | 38 | 36 | 34 | 34 |
Qaqortoq | 32 | 31 | 24 | 30 | 28 | 32 | 33 | 29 |
Narsaq | 32 | 29 | 30 | 30 | 29 | 31 | 33 | 35 |
Paamiut | 36 | 32 | 34 | 31 | 33 | 31 | 32 | 33 |
Nuuk | 27 | 26 | 25 | 27 | 26 | 25 | 25 | 25 |
Maniitsoq | 24 | 27 | 26 | 25 | 28 | 28 | 27 | 27 |
Sisimiut | 28 | 31 | 30 | 27 | 29 | 27 | 29 | 25 |
Kangaatsiaq | 33 | 38 | 38 | 31 | 35 | 34 | 32 | 37 |
Aasiaat | 29 | 26 | 27 | 30 | 30 | 25 | 27 | 32 |
Qasigiannguit | 26 | 25 | 26 | 23 | 24 | 25 | 25 | 27 |
Ilulissat | 31 | 29 | 29 | 28 | 31 | 33 | 28 | 31 |
Qeqertarsuaq | 30 | 19 | 18 | 23 | 27 | 36 | 23 | 28 |
Uummannaq | 31 | 28 | 25 | 27 | 28 | 31 | 27 | 26 |
Upernavik | 43 | 42 | 37 | 38 | 42 | 37 | 39 | 41 |
Qaanaaq | 42 | 48 | 36 | 35 | 45 | 40 | 40 | 46 |
Tasiilaq | 42 | 53 | 42 | 46 | 49 | 44 | 49 | 46 |
Ittoqqortoormiit | 46 | 40 | 34 | 24 | 29 | 41 | 36 | 31 |
Kalaallit Nunaata avataani | 31 | 29 | 26 | 31 | 30 | 27 | 26 | 28 |
Agguaqatigiissillugu | 33 | 32 | 30 | 30 | 32 | 32 | 31 | 32 |
Najoqqutaq: Naatsorsueqqissaartarfik – kisitsisaataasivimmi kisitsisit takukkit (http://bank.stat.gl/UDNUMG4).
Nalunaarut: Kisitsisit ersarinnerusunik nalunaaqutsersimasut tassaapput nuna tamakkerlugu agguaqatigiissitsinermiit qaffasinnerusut.