Efterskolini aallartittut pingajorarterutaat Kaalaallit Nunaanniipput
Ukiumi atuarfiusumi 2018/19-imi Kalaallit Nunaanni Danmarkimiluunniit efterskolernermik aallartitsisimasut 443-usimapput, ukiup siuliani 451-iusimasut. Efterskolernermik aallartitsisimasut pingajorarterutaat Kalaallit Nunaanniipput.
Titartagaq 1. 2011/12-miit 2018/19-imut efterskolernerit aallartinneqartut amerlassusaat, atuarfik malillugu
Najoqqutaq: Naatsorsueqqissaartarfik- kisitsisaataasivimmi kisitsisit takukkit (http://bank.stat.gl/UDNESF).
Efterskole Villads Villadsen-i atuartunut 80-inut inissaateqartoq Maniitsumi Efterskoli atuartunut 70-inut inissaateqarpoq. Atuartulli efterskolini aallartittut amerlassusaat inissaqartitsinermit amerlanerusinnaapput, unitsitsisoqartillugu atuartut nutaat aallartissinnaasarmata.
2018/19-imi Kalaallit Nunaanni efterskolernerit aallartinneqartut amerlassusaat ukiup siuliani aallartittut amerlaqqatigiinnarpaat, Efterskole Villads Villadsen-imi 77-it aallartissimallutik, Maniitsumi Efterskolimi 76-it aallartittut. Qallunaat efterskoliini aallartittut ukiup siulianut sanilliullugit 9 -nik ikileriarsimapput.
Villads Villadsen-ip Efterskoliani aallartittut amerlassusaat 2013/14-imi amerlanerpaasimapput. Ukioq taanna atuartut 93-it aallartissimapput. Maniitsup Efterskoliani aallartittut amerlassusaat 2014/15-imi amerlanerpaasimapput, ukioq taanna 79-it aallartissimallutik.
Efterskolernermik aallartitsisut amerlasuut inuusunnerusut
Amerlanerpaat ukiumi 16-inik ukioqalerfimminni efterskolernermik aallartitsisarput, amerlasuullu meeqqat atuarfianni naammasserlaajusarlutik. Ukiumi atuarfiusumi 2018/19-imi atualertut 81 pct.-ii ukiumi 16-iliiffimminni aallartissimasut 8 pct.-ii inuusunnerupput. Taamaallaat Danmarkimi inuusuttut 16-it inorlugit ukiullit efterskolernermik aallartitsisinnaapput.
16-inik ukioqalereersimallutik efterskolernermik aallartitsisartut amerlassusaat 2016/17-imi 20 pct.-inik appariarsimasut 2018/19-imi 11 pct.-inik appariarput.
Titartagaq 2. 2011/12-miit 2018/19-imut efterskolernerit aallartinneqartut, ukiut malillugit
Nalunaarut: Ukiup pineqartup naanerani atuartut ukiui malillugit naatsorsuisoqarpoq.
Najoqqutaq: Naatsorsueqqissaartarfik- kisitsisaataasivimmi kisitsisit takukkit (http://bank.stat.gl/UDNESA).
Efterskolernerit sisamaagaangata pingasut naammassineqartarput
Ukiumi atuarfiusumi 2018/19-imi atuartut 355-iusut efterskolernermik naammassinnissimapput, aallartitsisimasullu 80 pct.-iinik amerlassuseqarput.Ukiup siulianut sanilliullugu tamanna 2 pct.-inik siuariarneruvoq.
Efterskole Villads Villadsen-imi naammassinnittarnermut procenti ukiuni kingullerni marlunni qaffassimavoq, ukiumilu atuarfiusumi 2018/19-imi 79 pct.-inik annertussuseqarpoq. Ukiuni tulleriinni arlalinni naammassinnittarnermut procenti appasittarsimagaluarpoq, 2016/17-imilu 55 pct-imiilluni appasinnerpaasimalluni.
Maniitsumi Efterskoli-mi atuartut 65 pct.-iisa efterskolernitik naammassisimavaat. 2013/14-imi Maniitsumi Efterskoli-mi naammassinnittarnermut procenti48 pct.-imiilluni appasinnerpaasimavoq, taamanerniilli 17 pct-inik qaffassimalluni.
Kalaallit Nunaanni efterskolinut sanilliullugit qallunaat efterskolii qaffasinnerusumik naammassinnittarnermut procenteqarput, naammassinnittarnermullu procenti 2018/19-imi 85 pct.-iuvoq.
Titartagaq 3. 2011/12-miit 2018/19-imut naammassinnittarnermut procenti, efterskolit malillugit
Najoqqutaq: Naatsorsueqqissaartarfik- kisitsisaataasivimmi kisitsisit takukkit (http://bank.stat.gl/UDNESF).
Ukioqatigiinni pingasunit amerlanerusut efterskolernermik aallartitsisarput
Ataani takuneqarsinnaapput 1996-imiit 2001-imut ukioqatigiiaat, ukiuni atuarfiusuni 2010/11-mi kiisalu 2018/19-imi efterskolernernik aallartitsisimasut naammassinnissimasullu.
Titartagaq 4. Ukioqatigiinni efterskolernermik aallartitsisimasut/naammassinnissimasut amerlassusaat, 1996-imiit 2002-mut ukioqatigiit malillugit
Najoqqutaq: Naatsorsueqqissaartarfik- kisitsisaataasivimmi kisitsisit takukkit (http://bank.stat.gl/UDNESE).
Inuusuttut 2001-imi inunngorsimasut affangajai (46 pct.-it) efterskolernermik aallartitsisimapput, 36 pct.-iilu efterskolernermik naammassinnissimallutik. Siuliini ukioqatigiit marluk amerlaqatigaat. Ukioqatigiinni inuit amerlassusaat 1996-imi 909-miit 2001-imi 817-inut ikileriarsimapput.