Siunertaq

Kalaallit Nunaanni ilinniaqqiffissat ikimmata, ilinniaqqinniartut amerlasuut nunanut allanut ilinniariartarput. Kisitsisitigut paasissutissat ”Ilinniarluni naammassereernermi nuna najugarisaq”-p saqqummersinneqarneranut nunani allani ilinniarlutik naammassisut Kalaallit Nunaannut utertartut naammassisut akornanni amerlassusaasa ineriartornerisa malittarinissaat siunertarineqarpoq. Kisitsisitigut paasissutissanut ilanngunneqarput Kalaallit Nunaanni inuussutissarsiummik aamma ilinniaqqissimasut pillugit paasissutissat.

 

Paasissutissat tunngavigineqartut

2003-mit maannamut nunani allani ilinniarlutik naammassisimasut pillugit paasissutissat, nunani allani ilinniarnermik aallussisut pillugit paasissutissat nalunaarsuiffinniittut aamma innuttaasunut nalunaarsuiffiit tunngavigalugit atorneqarput. Ilinniaqqinnerit tassaapput sivikitsumik ilinniaqqinnerit, bacheloritut/professionsbacheloritut ilinniarnerit aamma kandidatitut ilinniarnerit.

 

Periaaseq

31/12 nunani allani ilinniarlutik naammassisimasut aamma aallussisut pillugit paasissutissat aamma 1/1 innuttaasunut paasissutissat ataatsimoortillugit suliarineqarput.

 

Ilinniarluni naammassinermit ukiup ataatsip qaangiunnerani nunagisaq naatsorsorneqarpoq ima, ukioq x+1, innutaasunut paasissutissat tunngavigalugit aamma ilinniarlutik aallussisunut paasissutissani ukiup x-ip naanerani.

 

Nuna najugaqarfittut nalunaarutigineqarpoq uku tunngavigalugit:

 

Kalaallit Nunaat	Kalaallit Nunaanni najugaqartut innuttaasut nalunaarsuiffiannut nalunaarutigineqarsimasoq, nunami allami aallussilluni ilinniartutut nalunaarutigineqarsimanngitsoq
Nuna alla	Kalaallit Nunaanni najugaqartartutut innuttaasut nalunaarsuiffiannut nalunaarutigineqarsimanngitsoq, nunami allami aallussilluni ilinniartutut nalunaarutigineqarsimanngitsoq
Nuna alla – ilinniarnermik suli ingerlatsisoq	Nunani allami aallussilluni ilinniartutut nalunaarutigineqarsimasoq

 

Inuit innuttaasut nalunaarsuiffiannut nalunaarutigineqarsimanngitsoq toqunikuusimasinnaapput. Taakku nunami allami najugaqartutut nalunaarneqartarput.

 

Naatsorsuutit

Ilinniarluni naammassereernermi nuna najugarisaq pillugu kisitsisitigut paasissutissani, ilinniarlutik naammassisimasut Kalaallit Nunaanni najugaqartut, nunani allani najugaqartut imaluunniit ilinniakkamik naammassinermiit ukiut 1-10 qaangiunnerini suli nunani allani ilinniartut, naatsorsorneqarput. Kisitsisitigut paasissutissanut nunani allani aamma Kalaallit Nunaanni inuussutissarsiutigalugu ilinniartut aamma ilinniaqqittut ilanngunneqarput.

 

Amigaatit

Ukiut sanilliunnerini nunani allani ilinniarlutik naammassisut ikitsuinnaanerat eqqarsaatigineqassaaq.

 

Inuk ataaseq kisitsisitigut paasissutissanut arlaleriarluni ilanngunneqarsimasinnaavoq. Assersuutigalugu 2010-mi bacheloritut naammassisimaguni 2012-imilu kandidatitut naammassisimalluni.