Arnat angutinit amerlanerusut ilinniakkamik naammassinnissimapput

Arnat angutinit amerlanerusut ingerlariaqqiffiusumik ilinniarfimmik aallartitsisarput. Taamatuttaaq arnat amerlanerpaartaat naammassinnittarput.

2013-imi ingerlariaqqiffiusumik ilinniarfinni naatsuni aallartissimasut assigiinngissutiginerpaasimavaat arnat 74 procentiisa ukiut sisamat ingerlanerini ilinniagartik naammassisimammassuk, pineqartullu angutinut kisitsisaat 44 procentiusimalluni.

 

Professionsbachelorinngorniartut naammassinnittarnermut kisitsisaanni aammattaaq arnat malunnartumik amerlanerusimapput. Ilinniakkamilli toqqaanermi aamma assigiinngissuteqartoqarpoq. 2011-mi arnat perorsaasunngorniarlutik aallartikkajunnerusarput, angutillu ingeni√łrinngorniarluni ilinniakkanik aallartitsinerusarlutik.

 

Taamaallaat 2012-imi ilisimatusarluni bachelorinngorniarnernik aallartitsisimasuni suiaassutsit akornanni naammassinnittarnermut procenti assigiinngissuteqanngilaq.

 

Titartagaq 2. Ingerlariaqqiffiusumik ilinniarfinni ukiunik marlunnik sivisunerusumillu sivisussuseqartuni naammassinnittarnermut procenti, 2011-mi, 2012-imi 2013-imilu aallartittut suiaassusaat malillugu

Nalunaarut: Naammassinnittarnermut procenti ukiup pineqartup naanerani naatsorsorneqarpoq, ukiorlu siullermeerluni ilinniakkamik aallartitsivik ungaluuserlugu ilanngunneqarpoq; Ingerlariaqqiffiusumik ilinniakkat naatsut (2013), bachelorinngorniarnerit (2012), professionsbacheloringorniarnerit (2011), kandidatinngorniarnerit (2013). Ilinniakkat sivisussusilerneqarneri ukioq kaajallallugu naatsorsorneqarput.

Najoqqutaq: Naatsorsueqqissaartarfik- kisitsisaataasivimmi kisitsisit takukkit (http://bank.stat.gl/UDDISC11L).