Periaaseq
Kisitsisini paasissutissani matumani naatsorsuinermi nalunaarsuutit najoqqutaralugit atorneqartut tassaapput:
· Ilinniartitaanermut Naalakkersuisoqarfiup Kalaallit Nunaanni efterskolini atuartunut nalunaarsuiffia
· Oqaatsinik pikkorissarfiup Danmarkimi efterskolini atuartunut nalunaarsuiffia
· Naatsorsueqqissaartarfiup innuttaasunut nalunaarsuiffia
Kalaallit Nunaanni efterskolinut nalunaarsuutit atuarfiit aallartinneqarnerini nassaassaapput. Efterskole Villads Villadsen ukiumi atuarfiusumi 2009/10-mi ammarneqarpoq aammalu efterskole Maniitsumiittoq ukiumi atuarfiusumi 2011/12-imi ammarneqarluni. Ukioq atuarfiusoq 2010/11 sioqqullugu qallunaat efterskoliini ingerlatsinerit naammassineqartut aammalu unitsinneqartut nalunaarsuuteqanngillat, taamaattumik qallunaat atuarfii ukiumi atuarfiusumi tassani aallartipput.
Ukiumi atuarfiusumi 2013/14-imi kalaallit efterskoliinut ukiup naanerani inissisimanermut ilisarnaammik ilanngussisoqarpoq. Ukioq atuarfiusoq taanna sioqqullugu Kalaallit Nunaanni ingerlatsinerit taamaallaat ukiup atuarfiusup naanerani naatsorsorneqartarput, taamaattumillu unitsitsinermi piffissaq qanga pisimanersoq uppernarsarneqarsinnaasimanani, aammalu ingerlatsinerit naammassineqartut kisimik ukiup kisitsiviusup naanerani ingerlatsinertut atuuttutut isigineqarlutik.
Taamatuttaaq ukiumit atuarfiusumit 2014/15-imit qallunaat efterskoliinut unitsitsinermut ullorititamik ilanngussisoqarpoq, taamaalilluni ukiumit atuarfiusumit ukiup naatsorsuiffiusup naanerani ingerlatsisut amerlassusaat kisinneqarsinnaalerpoq. Siornatigut ingerlatsinerit naammassineqartut kisimik ukiup naanerani ingerlatsinertut kisinneqartarput.
Efterskolernernut nalunaarsuutit naleqquttut ukiumi atuarfiusumi aallartinneqartut, unitsinneqartut naammassineqartullu malillugit agguaanneqarput aammalu ingerlatsisut ukiup kisitsiviusup naanerani agguaanneqarlutik. Ukiumi atuarfiusumi ataatsimi atuartoq ataaseq ataatsimit amerlanerusunik ingerlataqarsinnaavoq, takuuk tabel 4. Ukiorisat tamakkerlutik ukiup naanerani naatsorsorneqarput, aammalu 16-inik, 17-inik aammalu ukiunut allanut (16-inik inorlugit ukiullit aammalu 17-it sinnerlugit ukiullit) agguaanneqarput. Naatsorsueqqissaartarfiup innuttaasunut nalunaarsuiffianit atuartut illoqarfik kingornuimmut atassuserneqarput, tassaalluni atualeqqaarnermi uuttuut nutaanerpaaq. Atuartut atualinnginnermi innuttaasut nalunaarsuiffianni allassimanngitsut kalaallit efterskoliini imaluunniit qallunaat efterskoliiniippata paasissutissaqanngitsuni naatsorsorneqarput.
Atuartut ukioq atuarfiusoq, efterskoli, suiaassuseq, ukiut aammalu illoqarfik kingornuik malillugit agguaanneqarput.
Ataani tabelimi takutinneqarpoq ukiumi atuarfiusumi ataatsimi aallartinneqartut aammalu ukiumi atuarfiusumi ataatsimi aallartinneqartuni cpr-normut asseqanngitsut assigiinngissutaat. Ukiut atuarfiusut arfineq-marluk ingerlanerini katillugit 15-inik assigiinngissuteqartoqarpoq, taakkunannga arfineq-pingasut ukiumi atuarfiusumit 2014/15-iminngaanneerlutik.
Tabel 4. Ingerlatsinerit aallartinneqartut aammalu inuit aallartitsisut asseqanngitsut, ukiumi atuarfiusumi
|
2009/10 |
2010/11 |
2011/12 |
2012/13 |
2013/14 |
2014/15 |
2015/16 |
Ingerlatsinerit |
68 |
370 |
416 |
439 |
467 |
449 |
425 |
Inuit |
68 |
370 |
415 |
438 |
463 |
441 |
424 |
Assigiinngissut |
- |
- |
1 |
1 |
4 |
8 |
1 |
Nalunaarut: Kisitsisit Kisitsisaataasivimmiinngillat.