Periuseq

Kalaallit Nunaanni Naatsorsueqqissaartarfik siunissaq isigalugu ilinniartitaaneq pillugu kisitsisit atorlugit nassuiaasiaq UNESCO-p nunat assigiinngitsut akornanni malittassiaa ISCED2011 kisiat malillugu naatsorsuineq ingerlakkusuppaa. Malitassiap tamassuma ilinniaqqinnernut naatsunut, akunnattunut takisuunullu immikkoortitsineq ajornarunnaarsippaa.

Saqqummersitap matuma siornatigut Kalaallit Nunaanni Naatsorsueqqissaartarfik ilinniarneq pillugu kisitsisit atorlugit nassuiaasiorneq misissoqqissimavaa. Siunissami ukiut kingulliit kisitsisaat kisitsisaagallassapput, kisitsisilli siusinnerusumeertut inaarutaallutik. Tamaaliortoqarpoq siunissami ilinniarneq pillugu kisitsisit atorlugit nassuiaasiornerit assigiiaarnerunissaat siunertaralugu, tassungalu atatillugu ilinniarnernik nalunaarsuinermi allanngornerit kingusinnerusumi pisut eqqumaffigerusullugit. Taamaattumik saqqummersitami matumani kisitsisaasut 2012-imiit 2014-imut kisitsisaagallartuupput. 

 

Nalunaarsuutit

Ilinniarneq pillugu kisitsisitigut paasissutissat Ilinniagaqarnersiuteqartitsiviup (USF) allaffissornikkut nalunaarsuusiai tunngavigalugit suliaavoq.

Naatsorsueqqissaartarfiup nalunaarsuutinik katiterilinnginnerani USF-mi tunngavilersugaalluartumik arlalitsigut misiligaasoqarpoq, misissuisoqarluni malittuanillu suliarinnittoqarluni.

Tamatumunnga nassuiaasiaq www.stat.gl iserfigalugu Ilinniartitaaneq pillugu allaaserisani nassaarineqarsinnaavoq. Saqqummiussaq kingulleq ammaruk malittuanillu Periaaseq. Nassuiaasiaq qulequtsigaavoq: ”Validering af uddannelsesdata fra USF.pdf”.

 

Immikkoortortani naatsorsuineq

Ilinniarneq pillugu kisitsisitigut paasissutissiornermi Ilinniarnerup ingerlarnganut tunngasoq naatsorsorneqartarpoq.

Ilinniakkamik ingerlatsineq tassaavoq inuk ilinniakkamik ingerlatsisoq. Ilinniakkamik ingerlatsineq inuillu ingerlatsisut assigiilluinnarneq ajorput. Assersuutitut ilinniartoq ilinniakkamik aallartitsisinnaasarpoq, tamanna unitsissinnaasarpaa ilinniakkamillu allamik aallartitseqqissinnaasarluni, taamatut pisut tamarmik ukiup naatsorsuiffiup ingerlanerani pisinnaasarput. Ilinniartut ilinniakkanik ataasiakkaanik ingerlatsisutut naatsorsugaanerini ataasiakkaani ilinniarnerup ingerlanera inullu pineqartoq ataqatiginnerat takuneqarsinnaasarpoq. Naatsorsuineq tamanna pisarpoq ukiup naanerani, ilinniakkamik ataatsimi taamaallaat ingerlatsineq atugaasarpoq

 

Ilinniarneq pillugu kisitsisitigut paasissutissat ukiumut naatsorsukkanik imaqartarpoq. Qaammatisiutit ukiuat malillugu pisarpoq imaattarlunilu ilinniakkat ingerlatat ukiup ingerlanerani ingerlanneqartut kisinneqartarlutik, ilanngunneqarnerlu ajorput – soorlu ilinniartunut ilinniakkamik ingerlatsisunut – taakku ukiup naanerani ataasiaannartumik naatsorsugaasarput.

 

ISCED2011

UNESCO-p ISCED2011-lu pitsaassusissanik aalajangersagaat malillugit Kalaallit Nunaat Nunarsuarmi immikkoortortani siulliulluni ilinniarnernik naatsorsuinissamik pilersitsisinnaalerpoq. Ineriartortitsinermi suliaq Kalaallit Nunaanni Naatsorsueqqissaartarfik Ilinniarnermut, Ilageeqarnermut, Piorsarsimanermut Naligiissitaanermullu Pisortaqarfik (IIKNN) suleqatigiinnerisigut piviusunngortinneqarpoq.

 

Taaguutit

Kalaallit Nunaanni Naatsorsueqqissaartarfik ilinniarneq pillugu taaguutinik saqqummiivoq, taakkunatigut ajornarunnaarluni, ilinniakkat suut erseqqivissumik ilinniakkanut sammisuunersoq imaluunniit ISCED-mut atasuunersut, kiisalu nunatsinni imaluunniit ISCED-mut ilinniakkamut atasuunersoq.

 

Taaguutit Excel atorlugu suliarineqarnikuupput www.stat.gl–mi Ilinniartitaaneq iserfigalugu nassaarineqarsinnaapput. Saqqummersitaq kingulleq tooruk malittuanillu Periaaseq. Regnearke atsigaavoq: ” Nomenklatur med ISCED2011 Feb2015.xlsx ilanngullugit”.

Taaguutit sumut atasuunerinut tulleriissaakkanut attuumassusilinnut aamma imaqarput.