Periaaseq
Timmisartumik angalasut pillugit kisitsisitigut paasissutissat ilaasut taakkulu nunat najugaqarfii pillugit paasissutissanik imaqarput. Kalaallit Nunaannit mittarfinnit nunanut allanut aallarfiusartunit angalasut qaammatikkaarlugit kisitsisitigut paasissutissani saqqummersinneqartarput, mittarfiit aallarfigineqartarlutik: Kangerlussuaq, Nuuk, Kulusuk, Ilulissat, Nerlerit Inaat aamma Narsarsuaq.
Timmisartuussinerit taamaallaat ilaasartaatit aamma attartornermi timmisartornerit pineqarput, timmisartumik taxitut atuinerit, inuussutissarsiornermut tunngatillugu timmisartornerit imaluunniit timmisartumik ilaanerit. Nunanut allanut timmisartoqarfinnut timmisartornerit aamma ilanngunneqarput.
Paasissutissat qaammatikkaartumik timmisartunut ilaasut amerlassusaat Kalaallit Airports-imit pissarsiarineqartarput. Saqqummersitsinnginnermi naatsorsueqqissaartarfimmit paasissutissat misissoqqissaarneqartarput kukkunersiorlugit.
Timmisartumik angalasut nunat najugaqarfii pillugit paasissutissat ullormut qaammammullu Kalaallit Airports-imut timmisartumik angalasussat aallalernerini nalunaarutigineqartarput.
Timmisartumik angalasut amerlassusaat tamakkerlugit naatsorsorneqartarput, angalasulli tamarmik suminngaanneernertik paasissutissiissutigineq ajorpaat, ataani takuneqarsinnaavoq tabeli suminngaanneernerminnik paasissutissiisimanngitsut annertussusaat.
| 2022 | 2023 | 2024 | 2025 | 2026 |
|---|---|---|---|---|
| 8.9 pct. | 10.2 pct. | 54.1 pct. | 98 pct. | 63.9 pct. |
20 marsi 2020-mi Naalakkersuisut Kalaallit Nunaannit aamma Kalaallit Nunaannut angallannermi killilersuinermik atuutsitsilerput. Angallannermi killilersuineq juunip 15-iani tamakkiinngitsumik unitsinneqarpoq, sapaatip akunneranut inuit 600-t amerlanerpaamik Kalaallit Nunaannut tikissinnaanngorlugit. Juulip 21-ani 2020-mi avataanit Kalaallit Nunaannut angalaqqusinnginneq atorunnaarsinneqarpoq.
30 decembari 2020-mi Naalakkersuisut angallannermi killilersuinermik atuutsitseqqilerput, tamannalu Kalaallit Nunaannut avataanullu angallannermut annikinnerulersitsivoq.
Saqqummersitsisarneq
Timmisartumik angalasut qaammatip naanneranit ullut 30-t missaasa qaangiunneranni kisitsisit paasissutissat saqqummiunneqartarput.
Saqqummersinneqartussap tullia
Ulloq 30. juuli 2026-mi timmisartumik angalasut saqqummersinneqaqqissapput.