Periaaseq

Nunap iluani timmisartumik ilaallutik angalasunut paasissutissat angalasut amerlassusaannik imaqarput. Kisitsisini paasissutissani Kalaallit Nunaata iluani timmisartumik angalasut angallannerat kvartalikkaartumik takussutissiarineqarpoq, matumani mittarfinni heliportinilu tamani.

Timmisartuussinerni inuinnarnik silaannakkut angallassinerit kisimik ilanngunneqarput, soorlu timmisartunik ilaasartaatinik aamma attartukkanik timmisartuussinerit, taxatut timmisartuussinerit kiisalu inuussutissarsiornerup iluani imaluunniit privatimi nammineq timmisartuussinerit. Taamatuttaaq timmisartuussinerit nunap iluani mittarfinnit aallartittut aamma naammassisut kisimik ilanngunneqarput.

Angalasoq naatsorsuinermi ilanngunneqarpoq mittarfimmi timmisartumik ikisimappat imaluunniit timmisartumit niusimappat. Angalanerup aqqutaani minnerup kingorna angalasut aallaqqittut kisitsinermi ilaanngillat.

Qaammatikkaartumik Mittarfeqarfinnit timmisartumik angalasut nalunaarsuutaat tiguneqartarput. Saqqummersitsinnginnermilu kukkunersiuineq Naatsorsueqqissaartarfimmit pingaarnertut ingerlanneqartarpoq.

Saqqummersitsisarneq

Timmisartumut ilaallutik angalasut kisitsisitigut paasissutissaat kvartalikkaartumik piffissap naatsorsuiffiusup naammassineranit missiliorlugu ullut 30-t qaangiunnerini saqqummersinneqartarput.