Erseqqissaaneq

Naatsorsueqqissaartarfimmit unnuinerit pillugit kisitsisitigut paasissutissiornermi Visit Greenland-ip nittartagaani (www.visitgreenland.com) unnuisarfiit allattorsimaffiat najoqqutarineqarpoq. Allattorsimafiimmiittuni unnuisarfiit 46-t Naatsorsueqqissaartarfimmut nalunaarusiortarput. Unnuisarfiillu anginerit tamakkerlutik aamma nalunaarusiortarlutik.

 

Unnuisarfiillu Naatsorsueqqissaartarfimmut nalunaarusiortartut akornanni kinguaattoortoqarsinnaasarpoq. Saqqummersitsinissaq sioqqullugu nalunaarusiortoqarsimanngippat ukiup siuliani qaammatini pineqartuni unnuisarfimmi unnuinernut kisitsisit tunngavigalungit kisitsisaatagallartunik naatsorsuiffigalungu unnuisarfik ilanngunneqartarpoq. Kisitsisillu kinguaattoorutaasimasut tigunerini piffinni siuliini paasissutissiarineqarsimasut saqqummersitsinermi nutaami tullermi aaqqinneqartarput. 2024-mi kvartalit pingajuanni unnuisarfinnut qulinut ukiup siuliani piffissami unnuinerit atorlugit kisitsisaagallartunik naatsorsuisoqarpoq.