Periaaseq
2020-mi
innutaasunut kisitsisitigut paasissutissanut naatsorsueriaatsimi annikitsumik
allannguisoqarpoq. Allannguutillu suliffeqanngikkallarnermi kiisalu
ernereernermi ikiorsiissutinik pisartunut naatsorsueriatsimut aamma sunniuteqarput.
Naatsorsuutinilu qanoq inissisimasoqarneranik saqqummiunneqartut
allannguuteqanngillat.
Misissukkat amerlassusaannik killiliineq
Kisitsisini
paasissutissani matumani pineqartut tassaapput Naatsorsueqqissaartarfiup
inunnik nalunaarsuiffiani inuit ukiup naanerani Kalaallit Nunaanni kommunini
najugaqartutut allattorsimasut. Inuit nalunaarsuiffianni sumiiffimmi
najugaqartutut allaqqasoq tassani najugaqartutut naatsorsuussaavoq, inuillu
allattorsimaffianni sumiiffimmi najugaqartutut naatsorsorneqarsimaneq kommunit
naatsorsuuserisarfianni allami najugaqartutut allaqqasinnaalluni.
Utaqqiisaagallartumik
isertitanut taarsiissutaasunik ikiorsiissutinik pisartut ikiorsiissutaasartut
annertussusaat ikiorsiissutillu tunniunneqartut amerlassusaat malillugit
killilerneqarput. Ikiorserneqartoq ukiup ingerlanerani 500 kr.-t ataallugit
pisortanit ikiorsiissutinik pisartagalik naatsorsuutini ilaanngilaq.
Suliffeqanngikkallarnermi aammalu ernereernermi il.il. ullormusialinnut 1.000
kr. killigitinneqarpoq. Taamatut killiliinermi malittarisassanut allannguinerup
kinguneri naatsorsuutinut ilaannginnissaat isumannaarniarneqarpoq.
Ernereernermi
ullormusiat il.il.
Ernereernermi
ullormusiat naatsorsorneranni ukiumi pineqartumi meerartaarnermi
ullormusiaqarsimasut tamarmik ilanngunneqarput. Meerartaarnermi ullormusiallit
ilaat ukiut marluk (ass. 2018-ip naanerani aamma 2019-ip aallartinnerani)
ullormusiaqarsinnaasarput. Taamaasilluni meerartaarnermi ullormusiallit ukiumi
pineqartumi ernisimasunit amerlanerupput.
Ilaqutariit
Ilaqutariinnut naatsorsuutini Naatsorsueqqissaartarfiup ilaqutariit pillugit paasissutissiornerani (ass. BENFAM1 tabelimi) nassuiaaneq atorneqarpoq. Inuusuttut angajoqqaaminni najugallit ilaqutariinni inersimasut qitornaattut ilanngunneqarput.
Naatsorsuutit
inerneri aamma ataatsimut kisitat inerneri
Tabelit
ilaanni ikiorsiissutinut pisartut amerlassusaannut kisitsisit inerneri nuna
tamakkerlugu ikiorserneqartartut amerlassusiattut inerneqanngillat, tamannalu
ikiorsiissutinik akileraarutaasussanik pisartut saniatigut aamma
akileraarutaasussaanngitsunik pisortanit ikiorserneqartarnerannik
pissuteqarsinnaavoq. Naatsorsuutinili ikiorserneqartartut amerlassusaat
ikiorsiissutit suunerini pineqartuni assigiinngitsuni tamarmik naatsorsuutini
ilaapput, nunali tamakkerlugu naatsorsuutini inummik ataatsimik naleqarlutik
ikiorsiissutinik pisartutut naatsorsorneqarput.
Pisortanit
ikiorsiissutit, akileraarusigassaanngitsut: Utertitsinissamut pisussaatitaaneq
Ikiorserneqartartunut
naatsorsuutit aammalu pisortat ikiorsiissutaasa akileraarutaasussaanngitsut
amerlassusaannik taasatut naatsorsuutit, pisortat ikiorsiissutaannik
taarserneqartussanik ilaqanngillat; pineqartut pillugit kommunit
assigiinngitsunik nalunaarsueriaaseqartarnerat pissutigalugu.
Ukiut
Ukiumi
pineqartumi decembarip naanerani ukiorisat malillugit naatsorsorneqarput.
Kommunit
najugaqarfiillu
Januaarip aallaqqaataat 2009 aallarnerfigalugu kommunit 18-iusimasut kommunerujussuarnut sisamanut katiterneqarput, 2018-imilu januaarip aallaqqaataani Qaasuitsup Kommunia aamma Kommune Qeqertalimmut kiisalu Avannaata Kommunianut avinneqarluni. Saqqummersitami matumani 2018-imi decembarimi kommunit avinneqarneri nutaat malinneqarput, kommuniusimasulli kommunini nutaani najugaqarfittut atorneqarput. Saqqummersitamilu kommuninut immikkoortiterinerni massakkut kommunit avinneqarneri pineqarput, najugaqarfinnullu immikkoortiterinerni 2009 sioqqullugu kommunit pineqarlutik. Immikkoortiterinerit marluk ataani takussutissiami takuneqarsinnaapput
Tabel
1. Kommunit najugaqarfiillu
Kujalleq |
Sermersooq |
Qeqqata |
Qeqertalik |
Avannaata |
|
Distrikti |
Nanortalik |
Ivittuut |
Maniitsoq |
Kangaatsiaq |
Ilulissat |
|
Qaqortoq |
Paamiut |
Sisimiut |
Aasiaat |
Uummannaq |
|
Narsaq |
Nuuk |
|
Qasigiannguit |
Upernavik |
|
|
Tasiilaq |
|
Qeqertarsuaq |
Qaanaaq |
|
|
Ittoqqortoormiit |
|
|