Takornariaqarneq
Takornariartitsineq inuussutissarsiuterpassuarni kaaviiaartitsinermut suliassaqartitsinermullu sunniuteqartarpoq, soorlu timmisartukkut umiarsuakkullu assartuinermut angallassinermullu, hotelinut neriniartarfinnullu, takornariartitsinermi kiffartuussivinnut kiisalu niuernermut soorlu tammajuitsunik nioqquteqarnermut.
1960-ikkut aallartinnerannili takornariaqarneq annertusingaatsiareersimavoq inuussutissarsiutinullu siuliini taaneqartunut aningaasarsiornikkut pingaaruteqaleriartuinnarsimalluni.
Taamaattorli takornariartitsinermit tamarmiusumit inuiaqatigiinnut aningaasarsiornikkut pingaaruteqassusianik ersersitsisunik kisitsisit pigineqanngillat, immikkoortullu uuma allaaserineqarnera hotelini unnuisitsisarnernut kisitsisitigut paasissutissanik kiisalu ilaasunut Kalaallit Nunaannit aallartunut kisitsisitigut paasissutissanik tunngaveqarpoq.
Kalaallit Nunaanni takornariaqarneq
Kalaallit Nunaanni Naatsorsueqqissaartarfik 2014-imi juuli aallarnerfigalugu Visit Greenland suleqatigalugu timmisartunut ilaasut najugaqarfii pillugit paasissutissanik katersisalerpoq, Kalaallit Nunaanni nunanut allanut mittarfeqarfiini arfiniliusuni, paasissutissat timmisartumi ilaasut aallariartornermi check in-ernerisigut katersorneqartarput.
2015-imi timmisartumik angalasut sisamararterutaat sumi najugaqartuuneri nalunaarsorneqarsimanngillat, tamanna Kangerlussuarmi timisartuussinerpaaffimmi teknikkikkut ajutoornermik pissuteqarnerpaavoq. Sumi angalasut najugaqartuuneri nalunaarsorneqarsimanngitsut matussuserniarlugit naatsorsueriaatsimik pilersitsisoqarpoq, naatsorsueriaatsip nalunaarsorneqarsimasuni paasissutissat tunngavigalugit suliarineqarpoq.
2015-imi angalasut nunanut allanut angalasut 80.862-iusimasut akornanni naatsorsueriaaseq atorlugu naatsorsuinermi inerneri imaapput: 36 pct.–it Kalaallit Nunaanneersuupput, 31 pct.-it Danmarkimeerlutik aamma 33 pct.-it nunanit allaneersuullutik.
Nassuiaat: Naatsorsueriaaseq atorneqartoq imaappoq: 1) 100*nunat katinnerini inernerit (Katillugit-Paasissutissartaqanngitsut) 2) Katillugit*Nunami agguaqatigiissitsinermi amerlassusai/100 3) Nunap naatsorsuinermi agguaqatigiissillugu annertussasaat/Katillugit.
Titartagaq 8.1. 2015-imi Kalaallit Nunaannit timmisartumik aallartut
Najoqqutaq: Naatsorsueqqissaartarfik, http://bank.stat.gl/TUNFLY
Takornariat aasaanerani amerlanerpaasarput. Qaammatini takornariaqarnerpaaffiit tulliini takornariaqarneq appariartarpoq takornariaqannginnerpaaffiillu ukiuunerani pisarpoq tassani takornariat ikinnerpaasarlutik.
Kalaallit Nunaanni takornariaqarneq nunanit aalajangersimasunik ikittuninngaanneernerusarpoq, soorli takornariat amerlanerpaartaat Skandinaviaminngaanneersut pingaartumik Danmarkimiit sinnerilu Europap avannaaninngaanneernerukkajullutik.
Takornariaqarneq hotelini, sømandshjemmini allanilu unnuisartunut kisitsisitigut paasissutissat atorlugit aamma ersersinneqarsinnaavoq. Titartakkami 8.2-mi takuneqarsinnaapput unnuinerit amerlassusaat kiisalu tikeraarnerup agguaqatigiisillungu sivisussusiat.
Tikeraat takornariallu unnuisartut sanilliunneqarsinnaanngillat. Takornariaq arlalinnik tikitaqarniarluni hotelinilu arlalinni unnuisarniarlunilu aalajangersimasoq arlaleriarlugu tikeraatut unnuisutut kisinneqartarmat.
Titartagaq 8.2. 2015-imi tikeraat unnuisut agguaqatigiissillugulu akunnittarfimmiinnerit sivisussusaat
Najoqqutaq: Naatsorsueqqissaartarfik, http://bank.stat.gl/tunhot
Titartagaq 8.3. 2012-mit 2015-imut kommunit unnuiffigineqarneri
Najoqqutaq: Naatsorsueqqissaartarfik, http://bank.stat.gl/tunhot
Kommunit unnuiffigineqartarneri titartakkami 8.3-mi takuneqarsinnaapput. 2015-imi unnuisarnerit nalunaarsorsimasut qaammatikkaartumik agguataarnerat titartakkami 8.4-mi takuneqarsinnaallutik.
Titartagaq 8.4. 2015-imi unnuinerit qaammatinut agguataarnerat
Najoqqutaq: Naatsorsueqqissaartarfik, http://bank.stat.gl/tunhot
Titartagaq 8.5. Unnuinerit unnuisut inuiaassusaat malillugu
Najoqqutaq: Naatsorsueqqissaartarfik, http://bank.stat.gl/tunhot
Kalaallit Nunaanni unnuisarfiit Naatsorsueqqissaartarfimmut nalunaarsuisartut 45-t missaaniipput. Tassani pineqarput hotelit, sømandshjemmit, vandrehjemmit højskolillu. Tabel 11-mi takutinneqarput init attartorneqartut amerlassusiat kommuninut immikkoortillugit.
Umiarsuarnut takornariartaatit Kalaallit Nunaannut tulattarneri assigiinngiiaarput, takussutissiaq 8 takuuk.
Inatsisartut 2015-imi upernaakkut ataatsimiinnerminni 1. juuni 2015-imiit atuutilersumik umiarsualivimmiinnermut akitsuut pillugu inatsit allanngortippaat, taamaalillunilu umiarsuarnut takornariartaatinut ilaasunut ataatsimut 525 kr.-inik akitsuuteqartitsineq atorunnaarpoq, paarlattuanillu ulloq unnuarlu aallartikkaangat bruttotonsimut 1,10 kr.-inik akitsuuteqartitsisoqalerpoq. Tassungalu atatillugu umiarsuakkut takornariartut sumiuussusaat aamma nalunaarutigineqartalerpoq.
Umiarsuit takornariartitsisut annerusut minnerusullu tikittarput.
Kalaallit Nunaata inissisimaffia Europap Amerikallu avannaata akornanni umiarsuit ingerlaarfigisartagaanni inissisimalluarpoq.
Taassuma saniatigut umiarsuit takornariartitsisartut arlaqartut aasaanerani aalajangersimakannertumik aalajangersimanngitsumillu ingerlaartarfillit kalaallit umiarsualivii arlallit tikittarpaat ilaasullu taarserartarput. Umiarsuit tamakku mikinerupput, sinerissami umiarsualiviit arlallit tikiffigisarlugit, taakkunanilu ilaasut paarlaattarlutik.
Umiarsuartigut takornariat takornariatulli hotelini unnuisartutut neriniartarfinnilu nerisaqartutut kaaviiaartitsinermik pilersitsineq ajorput. Umiarsuartigut takornariat Kalaallit Nunaanni aningaasartuutiginerusartagaat tassaapput angalatitsisunut akiliinerit tammajuitsunillu pisinerit. Umiarsuarnulli takornariartitsisut tikinneranni aaqqissuussat suli ineriartortinneqarput, taamaalillutik neqeroorutigineqartartut assigiinngiiaarnerujartorput.
Takussutissiaq 8.1. Umiarsuit takornariartaatit tulanneri ilanngullugit
|
2006 |
2007 |
2008 |
2009 |
2010 |
2011 |
2012 |
2013 |
2014 |
2015 |
Umiarsuit takornariartaatit |
33 |
37 |
42 |
32 |
43 |
34 |
33 |
28 |
36 |
33 |
Tulanneri |
161 |
148 |
165 |
103 |
107 |
80 |
92 |
109 |
100 |
87 |
Tikeraat umiar-suarnut ilaasut |
22.051 |
23.506 |
28.891 |
26.976 |
30.271 |
29.826 |
23.399 |
21.496 |
20.214 |
22.390 |
Najoqqutaq: Naatsorsueqqissaartarfik, http://bank.stat.gl/TUNKRH aamma http://bank.stat.gl/TUNKRP