Kommunit

1. januar 2009 aallarnerfigalugu kommunit nutaamik agguataarneqanerat atuutilersinneqarpoq. Siornatigut Kalaallit Nunaata kommunii 18-iusut kommuninut sisamanut agguataarneqarput:

 

·         Kommuniusimasut Kommuneqarfik Sermersuumiittut ukuupput: Ivittuut, Paamiut, Nuuk, Ittoqqortoormiit aamma Ammassalik.

·         Kommuniusimasut Qaasuitsup Kommunianiittut ukkupput: Kangaatsiaq, Aasiaat, Qasigiannguit, Ilulissat, Qeqertarsuaq, Uummannaq, Upernavik aamma Qaanaaq.

·         Kommuniusimasut Qeqqata Kommunianiittut ukuupput: Maniitsoq aamma Sisimiut.

·         Kommuniusimasut Kommune Kujallermiittut tassaallutik: Nanortalik, Narsaq aamma Qaqortoq.

 

Kattuffik kommunit ataqatigiissaarisussatut soqutigisaqaqatigiiffigaat, kommunit ataatsimoortumik nalinginnaasumillu soqutigisaannik sulissutiginnittuusoq. KANUKOKA isumaqarpoq "Kalaallit Nunaanni Kommunit Kattuffiat". Qallunaatut: "De Grønlandske Kommuners Landsforening".

 

Nuna tamakkerlugu kattuffik 24. juuli 1972-imi pilersinneqarpoq, kommunit namminersorlutik ingerlatinerat nukittorsarniarlugu aammalu naalagaaffiup kommunillu akornanni suliassaqarfiit agguataarneqarnerat ersersinniarlugu.

Suliassaqarfiit amerliartuinnartut pisortat ingerlatsinerannik sumiiffinni ingerlatsinermut ineriartortinneqarnerisa ersersimmassut kommunit ataatsimoorusamik kattuffeqarnissaat pisariaqartinneqartoq.

 

Kattuffiup kommuni ataatsimut naliginnaasumillu susassaqarfii ingerlatarai, taamatullu kommunit akornanni suleqatigiinnerup pitsanngorsarnissaa aammalu kommunit sulisaqarfimminnut atanissaat siunertaralugu. Pisortani aaqqissuusseqqinneq 2009-mi kommunerujussuanngortitsinermik imaqartoq aammattaaq innuttaasunut sullissinnermi tunngasut amerlanerit Namminersorlutik Oqartussaniit kommuninut nunneqarnissaannik siunertaqarpoq.

 

1.januaari 2016 aallarnerfigalugu kattuffimmi kommunit ilaasortat tassaapput Kommune Kujalleq, Qeqqata Kommunia aammalu Qaasuitsup Kommunia. Ulloq taanna aallarnerfigalungu Kommuneqarfik Sermersooq kattuffimmi kommunit aningaasaqarnikkut naligiissaarneqarneri pillugit isumaqatigiinngissuteqarnermik peqquteqartumik ilaasortaajunnaarpoq.

 

Takussutissiaq 4.1. Kalaallit Nunaat kommuninut sisamanut agguarlugu

image001

Najoqqutaq: KANUKOKA (www.kanukoka.gl)