Atuineq

Tulliuttumi angerlarsimaffiit atuisarnerat allaaserineqassaaq. Atuinissamut periarfissani isertitat aamma nioqqutissani kiffartuussinernilu akit ineriartorneri apeqqutaasarput.

Inuit atuinerat

Tunisassiorneq tunngavigalugu nuna tamakkerlugu naatsorsuutit 2004-moortut suliarineqarnerannut atatillugu inuit atuisarnerannut naatsorsuutit nutaat suliarineqarput. Naatsorsuinermut tassunga atatillugu inuit atuisimanerat nioqqutissanut assigiinngitsunut agguataarnerat Titartakkami 1-mi takutinneqarpoq. Assersuutitut 2004-mi qallunaat atuinerisa agguataarnera takutinneqarpoq.

Atuisarnermut akiusussarpiallu kisitsisit immikkoortumi Tunngaviusut aamma killiliinerit kiisalu Isertitat pisissutaasinnaassusaani nassuiarneqartuni naatorsorneqarneranni atuisarnermut naatsorsuutit 1992-meersut aallaavigineqarput.

Siunertaavoq atuisarnermut naatsorsuutit 2004-meersut atuisarnermut akiusussarpianullu kisitsisit naatsorneqarneranni aallaavigineqartalissasut.

Titartagaq 1

Kalaallit Nunaanni (2004) Danmarkimilu (2004) inuit namminerisamik atuinerisa agguataarnerat

Danmark

Najoqqutaq: Naatsorsueqqissaartarfik aamma Danmarks Statistik

Pisortat inunnut atuinerat

Kalaallit Nunaanni pisortat atuisimanerat tamarmiusoq Tunisassiat Ataatsimut Nalingisa affaanut nallersuuppoq. Nunanut allanut sanilliullugu atuisimaneq annertuujuvoq. Assersuutigissagaannilu Danmarkimi atuisimaneq 25 pct.-ip missarisimavaa.

Kalaallit Nunaanni pisortat atuinerat akileraarutitigut akitsuutigullu kiisalu danskit naalagaaffiannit ataatsimoortumik tapiissutinit aningaasalersorneqarpoq.

Pisortat atuinerisa ilarujussuat tassaasimavoq pisortat toqqaannartumik inunnut ataasiakkaanut sullissinerat. Tamanna aamma taaneqartarpoq inunnut ataasiakkaanut pisortat atuinninnerat. Taamatut atuinerup agguarneqarnera Titartagaq 2-mi takuneqarsinnaavoq.

Inuiaqatigiinni soorlu pisortat inunnut atuinerannut imaluunniit inuit atuinerannut aaqqissuussisoqarneranut apeqqutaalluinnartarpoq inuiaqatigiit qanoq aaqqissuunneqarsimanersut. Atuinerup nunat akornanni nallersuunnerani assiliaq eqqortoq takutinniarlugu inuit atuinerat aamma inuiaqatigiit ataatsimut atuinerat ataatsimut katinneqartariaqarput.

Pisortat atuinerisa ilaa alla taaneqartarpoq ataatsimoorussamik pisortatigut atuineq, tassaalluni allaffissornikkut kiffartuussinerit, illersornissaq il.il. aammattaaq politiit eqqartuussiveqarnerlu.

Titartagaq 2

2007-imi pisortatigut ataasiakkaani atuinerit

Ineqarnermut

pissutsit

il.il.

4 pct.

Najoqqutaq: Naatsorsueqqissaartarfik aamma Danmarks Statistik