SULIFFISSAALEQINEQ
Suliffissaaleqinerup kisitsisitigut paasissutissiissutigineqarnera illoqarfinni ataasiakkaani suliffissarsiuussisarfiit qaammatikkaartumik nalunaarusiarisartagaannik tunngaveqarpoq, suliffissaaleqisullu suliffissarsiuussisarfinnut saaffiginnittarput, suliffissarsiorlutik imaluunniit pisariaqartitaqarpiartunut ikiorsiissutinik ikiorsiissutinilluunniit annertussusileriikkanik pisinnaajumallutik.
Nunaqarfinni suliffissaaleqineq ataqatigiissumik naatsorsuusiorneqarsinnaanngilaq nalunaaruteqartannginneq peqqutigalugu tamaattumillu suliffissaaleqineq pillugu naatsorsuusiornermut ilanngussinnaanani.
Taamatuttaaq Kalaallit Nunatta avataani inunngorsimasut ikittuinnaat suliffissaaleqisut naatsorsuusiornermut ilanngussinnaanatittaaq.
2009-mi Suliffissaaleqisut
Kalaallit Nunaanni suliffissaaleqinermut tunngatillugu taaguutit marluk atorneqarput qaam-matip qiteqqunnerani suliffissaaleqisut suliffissaaleqinermillu eqqugaasut. Qaammatip qiteqqunnerani suliffissaaleqisut taaguutaavoq qaammammi aalajangersimasumi qaammatip aallaqqaataani aamma qaammatip qiteqqunnerani suliffissaaleqisunut taaguutaasoq. Kisitsit taanna suliffissaaleqinerup agguaqatigiissinneranut oqaasiuvoq.
Suliffissaaleqinermik eqqugaasut naatsorsorneqartarput qaammatip ataatsip ingerlanerani inuit qassit ikinnerpaamik ataasiarlutik suliffissarsiuussisarfimmut suliffissaarsiorlutik saaffiginnissimanersut.
Kisitsisit taakku suliffissaaleqisut agguaqatigiisinneqarnerannut attuumassuteqanngillat, ilaami sulilernissaannut innersuunneqartarmata namminerluunniit saaffiginninnermik kingorna suliffissarsisarmata.
Naleqqiussinermi ajornartorsiutit
Piareersarfiit aallartisarnerine kommunit arlallit, aamma Nuup Kommunea, 2008-ip aallartinnerani aallartipput suliffissaaleqiuartut Isumaginninnermi allaffeqarfinnut nuussorlugit, suliffissarsiortuviit pingaarnertut isumagisassatut ingerlannissaat siunertaralugu. Tamassuma malitsigaa 2008-mi tamassumalu kingorna suliffissaaleqisut amerlassusaat ukiut siuliinut sanilliullugit naleqqiussisinnaajunnaarneq.
Jannuaarip aallaqqaataanit 2009 kommuniusimasut 18-it kommunerujussuarnut sisamanut kattussuunneqarput: Qaasuitsup Kommunianut kattunneqarput kommuneqarfiit Kangaatsiaq, Aasiaat, Qasigiannguit, Ilulissat, Qeqertarsuaq, Uummannaq, Upernavik Qaanaallu. Qeqqata Kommunianut kattunneqarput kommuneqarfiit Maniitsoq Sisimiullu. Kommuneqarfik Sermersuumut kattunneqarput kommuneqarfiit Ivittuut, Paamiut, Nuuk, Tasiilaq Illoqqortoormiullu. Kommune Kujallermut kattunneqarput kommuneqarfiit Nanortalik, Narsaq Qaqortorlu.
Utoqqalinersiaqalernissamut utoqqaassusissaq 2001-ti tikillugu 60-nut killiligaavoq, 2001-mi 61-nut qaffappoq, 2002-mi 62-nut qaffappoq, ukiuni 2003-p 2008-lu akornanni 63-nut qaffalluni, 2009-milu 64-nut qaffalluni. 2010-mi utoqqaassusissaq 65-nut qaffappoq. Allannguinerit taakku malitsigaat, taamaaqataanittaaq suliffeqanngitsut utoqqaassusikkut angusassaq killissaat qaffattussaassaaq 15-niit 59-nut utoqqaassusilinnut 2001-p tungaanut, 2001-mi 15-iniit 60-nut utoqqaassusissaq qaffassalluni, 2002-mi 15-niniit 61-nut utoqqaassusissaq qaffassalluni, ukiunilu 2003-miit 2008-mut 15-niniit 62-nut utoqqaassusissaq qaffassalluni, 2009-milu 15-niniit 63-nut utoqqaassusissaq qaffassalluni 2010-milu 15-niniit 64-nut utoqqaassusissaq qaffassalluni.
Titartagaq 1
Qaammammut agguaqatigiissillugu piffissap qiteqqunnerani suliffissaaleqisut aamma suliffissaaleqinermik eqqorneqartut
Malugiuk: Utoqqalinersiaqarsinnaalernissamut ukiut qaffakkiartorput 1998-mi 60-nik ukioqalersimasut utoqqalinersiaqalersinnaapput 2009-mi 64-nik ukiullit
Titartagaq 2
2009-mi piffissap qiteqqunnerani suliffissaaleqisut aamma suliffissaaleqinermik eqqugaasut, qaammatinut agguarlugit
Najoqqutaq: Naatsorsueqqissaartarfik
Takussutissiaq 1
2009-imi qaammammut agguaqatigiissillugu suliffissaaleqinermik eqqugaasut suiaassusiinut utoqqaassusiinullu immikkoortiterlugit
Najoqqutaq: Naatsorsueqqissaartarfik