KALAALLIT NUNAANNI PARTIIT

Atassut

Atassut (www.atassut.gl) naalakkersuinikkut ammasuunissamik suliniaqatigiiffiuvoq. Partii 1978-mi pilersinneqarpoq. Partii isumaqarpoq naalagaaffeqatigiinneq attattuarneqassasoq naalagaaffeqatigiinnermut toqqammaviusut iluanni.

Demokraatit

Partii Demokratit (www.demokraatit.gl) partiiuvoq inuiaqatigiit killilersuiffigineqannginnissaannik sulissutiginnittoq Kalaallit Nunaanni naalakkersuinermi qiterpasissumi inissisimasoq. Partii 2002-mi pilersinneqarpoq. Partii siullermeerluni 2005-mi Inatsisartunut qinersinermi sassartitaqaqqaarpoq.

Inuit Ataqatigiit (IA)

Inuit ataqatigiit (www.ia.gl) Kalaallit Nunaata naammineernerulerumasut saamerliusut parteeraat. IA partiiuvoq kalaallit inuttut namminersortutut namminerlu nunagisamut oqartussaanissamut suliniuteqartoq.

Kattusseqatigiit Partiiat

Kattusseqatigiit Partiiat (www.kattusseqatigiit.gl) ulloq 6. oktober 2005-mi pisortatigoortumik pilersinneqarpoq, siullermeerlunilu Partiitut 2005-imi Inatsisartunut qinersinermi sassartitaqarluni.

Siumut

Partii 1977-mi pilersinneqarpoq, Siumut (www.siumut.gl) qisuariartitsinerata kingunerisaanik. Partiip naalakkersuinikkut anguniagai; Pilersikkumallugit inuiaqatigiit ataqatigiissut, ilatsiinnartuunngitsut, kisiannili eqeersimaartut nappassinnaalluartullu, inuiaqatigiittut akisussaaqataanertik qamuuna misigisimalluarlugu ilumoorfigalugulu innuttaaqataasut.