Sanaartornermi aningaasartuutit naleqqersuutaat Kalaallit Nunaanni inissianik sanaartornermi aningaasartuutit ineriartornerannut uuttuutaavoq. Naleqqersuut atorlugu sanaartornermi aningaasartuutit naleqassusaat malinnaavigineqartarpoq sanaartortitsinermilu isumaqatigiissutinut naleqqussaanermi atorneqartarluni.
2026-mi ukiup affaani siullermi naleqqersuummut uuttuut nutaaq inissianut tamanut naleqqersuutitut saqqummersinneqarpoq, ilaqutariinnut ataatsinut illumut naleqqersuummik (35 pct.) aamma quleriinnik initalinnik illuliornermut naleqqersuummik (65 pct.) ataatsimoortitanik uuttorneqarsimasoq.
Piffissaq najoqqutarineqarpoq tassaavoq 2025-mi ukiup affaa siulleq = 100. siuliani naleqqersuut (ukioq najoqqutaq januaari 2006 = 100, quleriinnik initalinnik illuliornermik taamaallaat tunngaveqarsimasoq, naleqqersuutip ataatsimut uuttukkap nutaap taarserpaa. Naatsorsueqqinnermi siuliani naleqqersuummut sanilliussinermi ilitsersuummut immikkoortoq takuuk.
Saqqummersitami piffissaq 2026-mi januaarip aallaqqaataa tikillugu sammineqarpoq.
Kisitsisaataasivik
Kisitsisaataasivimmi kisitsisinik paasissutissanik uuttuutinit, suliaqarfinnik, aningaasartuutit suunerinik aamma piffissamik tapitartuilluni immikkut toqqartukkanik aallertoqarsinnaavoq. Kisitsisaataavillu kalaallisut, qallunaatut tuluttullu atorneqarsinnaavoq.