Namminersorlutik Oqartussani kommuninilu piffissaq tamakkerlugu sulisartut

2023-mi pisortaqarfinni piffissaq tamakkerlugu sulisartut 11.212-iupput. Namminersorlutik Oqartussani piffissaq tamakkerlugu sulisartut 4.175-iusut kommunini piffissaq tamakkerlugu sulisartut 7.036-usimapput.

 

Piffissaq tamakkerlugu sulisarneq atorfillit akunnerit suliffigisimasaat malillugit naatsorsoqqitaapput. Piffissap ilaannaanut atorfillit imaluunniit akunnialunnguani sulisimasut sulinerisa sivisussusaat malillugu naatsorsorneqarput.

 

Kisitsisitigut paasissutissat pisortat akissarsialerivianni AKISSARSIAT-ni nalunaarsuutit tunngavigalugit suliarineqarput.

 

Titartagaq 1. Kommunini aammalu Namminersorlutik Oqartussani piffissaq tamakkerlugu sulisartut

Najoqqutaq: https://bank.stat.gl/ofnoa2

 

Akissarsititsisarneq

Sulisut qaammammusialinnut akunnermusialinnullu naatsorsorneqarput. 2023-mi 7.435-t qaammammusialittut sulisimapput 3.776-illu akunnermusialittut sulisimallutik.

 

Tabel 1. Piffissaq tamakkerlugu sulisartut, akissarsititsisarneq malillugu

 

2022

2023

 

 

 

Amerlassusaat

Allannguut

Pct.

Katillugit ....................

11.224

11.212

-12

-0,1

Qaammammusiallit .............

7.483

7.435

-48

-0,6

Akunnermusiallit................

3.741

3.776

35

0,9

Najoqqutaq: https://bank.stat.gl/ofnoa2

 

Isumaqatigiissutinut agguaanneqarneq

Pisortani atorfillit amerlanersaat isumaqatigiissutit malillugit akissarsiaqarput. Akissarsialerivimmi isumaqatigiissutit malillugit sulisut nalunaarsorneqarsimapput. Kisitsisillu kisitsisaataasivimmi nassaarineqarsinnaapput, uani: https://bank.stat.gl/ofdoa5.

 

2023-mittaaq tjenestemanditut assigisaanilluunniit isumaqatigiissutit malillugit atorfinitsinneqarsimasut ukiumut siulianut sanilliullugit ikileriarsimapput. 2023-mi ikileriaat 2022-mut sanilliullugu piffissaq tamakkerlugu sulisartunik 40-nik amerlassuseqarpoq.

 

Piffissaq tamakkerlugu sulisartut immikkoortortaqarfiit malillugit

2023-mi Nuummi piffissaq tamakkerlugu sulisartut 4.119-iupput, taakkunannga 2.366-it Namminersorlutik Oqartussani atorfinitsinneqarsimapput 1.753-illu kommunimi atorfinitsinneqarsimallutik. Ittoqqortoormiini piffissaq tamakkerlugu sulisartut katillugit 87-iupput, taakkunannga 7-it Namminersorlutik Oqartussani 81-illu kommunimi.

 

Titartagaq 2. 2023-mi piffissaq tamakkerlugu sulisartut, immikkoortortaqarfik aamma suliaqarfik malillugu

Najoqqutaq: https://bank.stat.gl/ofnoa6

 

Pisortaqarfinni atorfillit amerlassusaat

2023-mi katillugit 19.023-t piffissami sivikinnerusumi sivisunerusumiluunniit Namminersorlutik Oqartussani kommuninilu sulisimapput. Sulisoq naatsorsuutini ilanngunneqarpoq qaammammi ataasiinnarmi, kvartalimi imaluunniit ukioq naallugu sulisimanera apeqqutaatinnagu. Sulisoq piffissami naatsorsuiffiusumi atorfinni assigiinngitsuni arlalinni atorfeqarsimasinnaavoq. Taamatuttaaq sulisunut tamanut naatsorsuutini inuit amerlassusaat suliaqarfinnut ataasiakkaanut agguataarinermut naatsorsuutinut naleqqiullugit ikinnerupput. Sulisut amerlassusaannut naatsorsuutit atorfimmi piffissamik qanoq annertutigisumik atuisimanermut attuumassuteqanngilaq, tamanna piffissaq tamakkerlugu sulisuunermut naatsorsorneqarpoq.

 

Tabel 2. Atorfillit, suliaqarfik malillugu

 

2022

2023

 

 

 

Amerlassusaat

Allannguut

Pct.

Katillugit  ...............................

18.990

19.023

33

0,2

Namminersorlutik Oqartussat   ................

7.706

7.949

243

3,2

Kommunit   ..............................

13.147

13.051

-96

-0,7

Najoqqutaq: https://bank.stat.gl/ofnoa2