2020-miit 2024-mut pinerluttuliortarneq

2020-miit 2024-mut Kalaallit Nunaanni pinerluttoqarsimatillugu inatsit tunngavigalugu unnerluussinerniit aaliangiinernut saqqummersitami maani kisitsisitigut paasissutissiorneqarput.

 

Paasissutissat (data) tunngavigineqartut aamma uppernarsaaneq

Paasissutissat politiinit pissarsiarineqarput, taakku nalunaarsuinermilu periuseq ataavartumik nalilersorneqartarmata siornatigut kisitsisinit saqqummersinneqartarsimasunit allaanerusinnaapput.

 

Inatsisit pingasunngorlugit, tamarmik immikkut pisimasoq tunngavigalugu kodeqarlutik immikkoortinneqarsimapput.

 

Pinerluttulerinermut inatsit, immikkut inatsit aamma aqqusinertigut angallannermut inatsit.

 

Saqqummersitami uani taamaallaat ukiuni kingullerni tallimani nalunaarutiginninnerit pinerluttulerinermut inatsimmut tunngasut pineqarput.

 

2000-miit 2024-mut pinerluttulerinermut inatsimmut tunngasuteqartumik nalunaarutiginninnernut kisitsisit Naatsorsueqqissaartarfiup kisitsisaataasiviani pissarsiarineqarsinnaapput.

 

Uppernarsaanermut tunngasut saqqummersitamut ilanngunneqanngillat nittartakkamili quppernermi uani: www.stat.gl →Pinerluuteqarsimasut pillugit kisitsisit-mi pissarsiarineqarsinnaapput.

 

Kisitsisitigut paasissutissat ukuninnga imaqarput:

Inatsisitigut unioqqutitsisimasinnaanerit innuttaasunit imalluunniit politiiniit nalunaarutigineqarsimasut. Politiit nalilersuisarput pisimasoq pillaatissiissutigineqassanersoq. Pisimasoq pillugu misissuisoqarsinnaavoq imaluunniit suliamik taamaatitsiinnartoqarsinnaalluni, misissuisoqartillugu aaliangiinermi pineqaatissiisoqarsinnaasarpoq.

 

Naalisaaneq

Pinerlunnermut inatsit tunngavigalugu nalunaarutiginninnerit 2023-mut sanilliullugu 2024-mi ikilipput, nakuusernermik aserorterinermillu nalunaarutiginninnerit ikilillutik. Nuummi nalunaarutiginninnerit ikilisut Sisimiuni amerlipput.

 

 

2020-miit 2024-mut pinerluttuliortarneq

Pinerlunnermut inatsit tunngavigalugu nalunaarutiginninnerit politeeqarfinnut immikkoortillugit

2024-mi pinerlunnermut inatsit tunngavigalugu 3.892-it nalunaarutigineqarput, 2023-mut sanilliullugu 460-inik ikinnerullutik.

Illoqarfiit annersaanni, Nuummi nalunaarutiginnissutaasimasut ukiup siulianut naleqqiullugit ikinnerugaluarlutik amerlanerpaajupput (1.541).

 

Sisimiunili 2024-mi nalunaarutigineqarsimasut ukiup siulianit amerlanerulersimapput.

 

Ukiup siulianut sanilliulligit Narsami, Paamiuni aamma Maniitsumi, tassa inuttuallaanngitsuni politeeqarfinnut nalunaarutigineqarsimasut ikilingaatsiarsimapput.

 

Tasiilamissaaq nalunaarutigineqarsimasut ukiup siulianut sanilliullugit ikileriarsimasut takuneqarsinnaavoq.

 

Takussutissiaq 1. 2020-miit 2024-mut pinerlunnermi inatsit tunngavigalugu politeeqarfinnut nalunaarutiginninnerit

Politeeqarfeqarfiit	2020	2021	2022	2023	2024
Nanortalik ....	243	290	196	141	160
Qaqortoq .....	289	316	269	327	327
Narsaq .......	152	115	178	134	73
Paamiut ......	135	146	110	154	93
Nuuk ........	1.874	1.691	1.493	1.780	1.541
Maniitsoq......	273	253	166	243	117
Kangerlussuaq	23	26	27	40	23
Sisimiut......	549	481	383	323	394
Aasiaat ......	329	228	286	277	272
Qeqertarsuaq	54	40	44	28	17
qasigiannguit ..	76	73	91	74	52
Ilulissat......	274	305	302	292	272
Uummannaq..	107	111	113	87	100
Upernavik....	89	72	83	94	98
Pituffik.......	5	2	2	1	3
Tasiilaq  ......	469	347	347	359	271
Ittoqqortoormiit	12	34	34	32	28
Qaanaaq.....	77	94	111	46	51
Katillugit.....	5.030	4.624	4.235	4.432	3.892

Najoqqutaq: Naatsorsueqqissaartarfik – Kisitsisaataasivimmi tabeli takujuk: https://bank.stat.gl/KRNAN1

1.    Politimesterembed-imut nalunaarutiginninnerit Nuup politeeqarfianut inissinneqarput

 

 

Takussutissiami 1-imi 2020-miit 2024-mut pinerlunnermut inatsit tunngavigalugu nalunaarutiginninnerit takuneqarsinnaapput. 2024-mi nalunaarutigineqartuni annersaanerit amerlanerpaajoqqipput, aserorterinerit pillugit nalunaarutigineqarsimasut tulliuttut. Annersaanerit pillugit nalunaarutiginninnerit aamma aserorterinerit pillugit nalunaarutiginninnerit ikilisimapput.

 

Tillinniarnerit aamma toqutsinissamik sioorasaarinerit ikilerujussuarsimapput.

 

Toqutseriaraluarnerit 2023-mi amerlanerpaajusimapput 2024-mi ikilisimallutik, pinngitsaaliilluni atoqatiginninnerit pisiniarfinnilu tillinnerit allanngungaarsimanngitsut.

 

2020-mi nalunaarutiginninnerit 5.030-iusimapput 2024-mi 3.892-inut apparsimallutik.

 

 

Takussutissiaq 2. Pinerlunnermut inatsit tunngavigalugu nalunaarutigisat pinerluutinut immikkoortillugit

	2020	2021	2022	2023	2024
Toqutsineq ........................	7	3	10	6	6
Toqutseriarneq ....................	8	10	12	27	21
Mianersuaalliorluni toqutsineq ........	2	4	1	1	2
Nakuuserneq ......................	1.475	1.454	1.170	1.276	1.072
Pinngitsaaliilluni atoqatiginninneq .....	243	212	251	252	244
Meeqqamik 15-it in. Ukiulimmik kinguaassiuutitigut atoqatiginninneq ...	109	55	57	52	44
Kannguttaatsuliorneq  ...............	379	339	299	265	280
Pornografiit meeqqanut tunngasut .....	12	15	38	24	23
Kinguaassiutitigut pinerlunnerit allat ....	18	31	20	22	24
Tillinniarneq .......................	446	459	352	416	276
Tillinniarnerit allat ..................	355	326	323	295	281
Peqquserlunneq....................	278	206	231	338	325
Pisiniarfimmi tillinneq ...............	273	256	229	295	296
Ujajaaneq ........................	33	26	15	20	22
Aserorterineq ......................	833	686	664	583	482
Akuerineqaqqaarani atuineq ..........	132	155	135	142	152
Uumasut, aallaaniarneq il.il. pillugit inatsit	12	6	5	13	8
Ikuallatsitsineq .....................	27	20	12	17	16
Angerlarsimaffimmi eqqissiviilliortitsineq.	51	46	56	45	32
Toqutsinissamik sioorasaarineq .......	245	211	259	236	189
Allat .............................	92	104	96	107	97
Katillugit .........................	5.030	4.624	4.235	4.432	3.892

Najoqqutaq: Naatsorsueqqissaartarfik – Kisitsisaataasivimmi tabeli takujuk: https://bank.stat.gl/KRNAN1