Periaaseq

Naatsorsueqqissaartarfik januaarip qeqqani Politiinit nalunaarsuutinik tigusaqarput. Nalunaarsuutit 1006-imiit 2023-mut paasissutissanik imaqarput. Taakkulu suliarineqaratik inissinneqarput toqqorneqarlutillu.

Kingorna nalunaarsuutit aaqqissuunneqarput pinerluttuliorsimanernullu nalunaarsuiffik pilersinneqarpoq kisitsisitigut paasissutissiornermi ilisimatusarnermilu atorsinnaasunngorlugu. Nalunaarsuiffimmi nalunaarsuutinut immikkoortiterinerit assigiinngitsut misissoqqissaarneqarput kisitsisaataasivimmilu tabelinut pingasunut atorneqarlutik, saqqummersitamilu matumani takussutissianut taakku tunngavigineqarput.

  

Pisumiit aalajangiinermut

Suliaq ”pisoqarsimanerani” aallartittarpoq. ”Pisoq” taanna imaluunniit pisut assigiinngitsut ”Unnerluussinermik” malitseqarsinnaapput ”Suliamik” aallartitsisumik, taamatullu pasineqarnermik kiisalu kingorna ”Aalajangiinermik” kinguneq kinguneqarsinnaallutik. Suliat ataasiakkaat ukiut arlallit ingerlanneqarsinnaapput. Matumani saqqummersitaq unnerluussinernik taamaallaat imaqarpoq.

 

Unnerluussineq Politiinit suliamut normulerneqartillugu suliaq aallartittarpoq. Suliaq normua Politeeqarfiup ilisarnaataanik, pinerluutigineqarsimasup ilisarnaataanik, ukioq unnerluussiffimmik kiisalu ukiup pineqartup nalunaarsuutaanik imaqartarpoq. Suliaq pinerluutinik assigiinngitsunik ilisarnaatilik (assersuutigalugu aserorterinermut aamma tillinniarnermut ilisarnaatinik marlunnik assigiinngitsunik) taakku ataatsimut unnerluussinertut nalunaarsorneqarput.

 

Pisut ilaat sulianut normoqanngillat, Politiinilli ”Suliatut” suli ingerlanneqartarlutik.

 

Suliat assigiinngitsut immikkut ittutut nalilerneqarput unnerluussinerillu amerlassusaannut ilanngunneqarlutik. Naatsorsueqqissaartarfimmit suliat immikkut ittut Politeeqarfinnut, pinerluutigineqarsimasut ilisarnaataannut kiisalu unnerluussinerup ulluinut unnerluussinertut kisinneqarput. Tamannalu unnerluussinerit amerlassusiisa eqqorluartuunerannik qulartitsisinnaapput.

 

Pinerlunnermi ulloq, unnerluussinermi ulloq kiisalu aalajangiinermi ulloq

Naatsorsueqqissaartarfimmit misissueqqissaarnermi ullulersuinerit pingasut atorneqarnissaat aalajangiunneqarpoq: Ukiuni tamani pinerlunnermi ulloq, unnerluussinermi ulloq kiisalu aalajangiinermi ulloq. Suliat ingerlanerini nalunaarsuutini piffissap ingerlanerani kukkunillit aaqqissuunneqarput, pinerlunnermi ukioq siullinngorlugu unnerluussinermilu ukioq tulliullugu kiisalu aalajangiiffigineqarsimanermi ukioq aalajangiiffigineqartoq kingulliullugu.

 

Kisitsisaataasivimmi tabelit

Pinerluttulerinerinermi nalunaarsuiffimmit nalunaarsuutit kisitsisaataasivimmi tabelinut pingasunut avinneqarput; Pinerluttulerinermi inatsimmi unnerluussinernut, Immikkut inatsisini unnerluussinernut kiisalu Angallannermi sulianut. Tabelit nalunaarsuutinullu immikkoortiterinerit pillugit takussutissat tabelit ataasiakkaat ataanni nassuiarneqarput.

 

2014-imiit 2023-mut unnerluussinerit amerlassusaat sulianut tamanut kisinneqarput kisitsisaataasivimmilu tabelinut pingasuni politeeqarfinnut pinerlussimanerillu suussusiisa ilisarnaataannut immikkoortiterinermi ”Unioqqutitsinerup suussusaa”-ni takuneqarsinnaallutik.

 

Immikkoortiterinerit

Immikkoortiterinermi Politeeqarfik aamma pinerlussimanerup ilisarnaataa atorneqarput. Kisitsisaataasivimmi tabelini takukkit. Pinerlussimanerit suussusaat ataasiakkaarlugit immikkoortiterinernilu, pinerlussimanerit suussusaannik arlalinnik assigiinngitsunik imaqarsinnaasuni, ataatsimut kisinneqarsinnaasunngorlugit kiisalu sammisani pingasuni; Pinerluttulerinermi inatsimmi, immikkut inatsisini allani Angallannermilu suliani ilanngullugit aamma ataatsimut kisinneqarsinnaasunngorlugit ataqatigiimmik aaqqissuunneqarput.

 

Pinerluutigineqarsimasut ilisarnaataat Politiinit atuutsinneqartut Naatsorsueqqissaartarfimmit atorneqarpoq, 2023-mili Politiinit suli atorneqartunik ilisarnaatinik allanik assigiinngitsunik tapeqarput.

 

Naatsorsueqqissaartarfik pinerluutigineqarsimasunut ilisarnaatit nalunaarsuutaannik saqqummersitsisanngilaq, tamanni sulissutigineqarpoq. Pinerluutigineqarsimasut ilisarnaataannik saqqummiussineq pisariulluinnartussaavoq, ukiut tamaasa pinerluutigineqarsimasut ilisarnaataat unnerluussinertaqanngitsut amerlasarmata. Taamaattumik oqimaaqatigiissaakkamik amerlavallaanngitsunik ikippallaanngitsunillu immikoortiterinernik imalimmik suleriaatsimik nassaartoqarpoq.

 

Assersuutigalugu ”Ikuallatsitsineq” pinerluutigineqarsimasup ilisarnaataanik ”97321”-mik ilisarnaateqarpoq, kisitsisaataasivimmilu ”Unioqqutitsinerup suussusaa”-ni ”Ikuallatsitsisimanertut” aamma immikkoortinneqarsimalluni, taamatullu ”pinerluttulerinermi inatsimmi” immikkoortiterinermiilluni. Pinerluttulerinermi inatsit 23-nik ”Unioqqutitsisimanerit suussaannik” immikkoortiterinernik imaqarpoq taakkulu ataatsimut kisinnerinut ”Katillugit” toqqarneqarsinnaalluni. Kisitsisaataasivimmi tabelini pingasuni immikkoortitikkanik katiterinermi siornatigut Politiinit Naatsorsueqqissaartarfimmiillu immikkoortitereriaatsit ilaatigut atorneqarput.

 

Annertunerusumik paasisaqarusuttunut Per Lyster Pedersen pely@stat.gl atorlugu attavigineqarsinnaavoq.