Unnerluussineq
Innuttaasoq
politiinut inatsisinik unioqqutitsinernik unnerluussisinnaavoq. Politiit
unnerluussinermik tigusaqarnermi imaluunniit nammineq ingerlatami
misissuinermik aallartitsinissamik isumaliutiginninnermi, pisortanit
malersorneqartussamik pillarneqaataasussamik iliortoqarsimaneranik naammattumik
ilimanaateqartoqarnersoq nalilersorneqartarpoq. Taamaattoqartillugu politiit
suliamik misissuinermik aallartitsisarput.
Pasineqarneq
Politiit
inummik pasisaqarsinnaapput pineqartoq naammattumik tunngaveqarluni inatsimmik
unioqqutitsisimasutut pasineqarpat.
Misissuinerup
naammassinerani pasineqartoq inatsimmik unioqqutitsisimanera suliamut
uppernarsaatini takuneqarsinnaanersoq aammalu pineqartumut pinerlunniartarnermi
suliap ataani pineqaatissinneqarnissaanut uppernarsaatit naammannersut
nalilersorneqartarpoq. Taamaattoqartillugu pasineqartumut
eqqartuussassanngortitsinermik aallartitsisoqarajuttarpoq.
Pinerluttuliorsimanernut
aalajangiinerit
Eqqartuussivinni
aalajangiinerit eqqartuussiviup iluani atavaaniluunniit agguataarneqarsinnaapput[1]
Eqqartuussiviup
iluani aalajangiineq eqqartuussisunit ingerlanneqartarpoq aammalu
eqqartuunneqarnerugajuttarluni.
Eqqartuussisut
pineqartoq eqqartuussinermi pinngitsuuneranik, tassa imaappoq pineqartoq
pinerluuteqarsimannginneranik isumaqartumik, eqqartuussuteqarsinnaapput.
Eqqartuussisut
pineqartoq aalajangiiffigisinnaavaat, tamanna pineqartup
pinerlunniarsimaneranik aammalu pineqaatissinneqarluni eqqartuussaanermik
isumaqarpoq. Pineqaatissiissummi nassuiarneqartarpoq pineqartup iliuusaa
eqqartuussissutaasoq qanoq kinguneqarnersoq. Pineqaatissiissut sakkukinnerpaaq
tassaavoq mianersoqqussut sakkortunerpaarlu tassaalluni isertitsivimmiittussanngortitaaneq
(paarnaarussaaneq).
Eqqartuussiviit
avataanni aalajangiinerit eqqartuussinermi aaqqissuussinerit avaqqullugit
pisarput, aammalu politiinik suliarineqarajunnerullutik. Politiit
akileeqqussummik tunniussisinnaapput aammalu unnerluussinerup atorunnaarneranik
nalunaarlutik, tamanna pineqartup pinerluuteqarsimaneranik aammalu
pisuutinneqarneranik isumaqarpoq.
Suliami
inissiinermi aammattaaq politiit aalajangiisinnaapput. Tamanna pisarpoq
uppernarsaatit inissisimanerat tunuliaqutaralugit pasineqarneq
tunngaveqanngitsutut paasineqarpat imaluunniit misissuineq pineqartumut
pasinnissinnaanermik kinguneqanngippat.
Saqqummersitami
uani pinerluuteqarsimanermi aalajangiiffigineqarsimasut tamarmik
unnerluussinerit kisitsisitigut paasissutissaanni ilaapput. Aalajangiinermi
ataatsimi pinerluuteqarsimanerit amerlasimappata, pinerluuteqarsimanerit
tamarmik naatsorsuinermi ilanngunneqassapput. Assersuutigalugu aalajangiineq
ataaseq aserorterinermik tillinniarnermillu tunngaveqartoq naatsorsuutini
pinerluttuliorsimanernik aalajangiiffigineqartunik marlunnik naleqarpoq.
[1] Najoqqutaq: ”Straffesagens gang”. Nielsen, Gorm Toftegaard. 5. udgave 2011.