Aallaqqaasiut
Saqqummersitami matumani siunertaavoq Kalaallit Nunaata nunanik allanik niuernera pillugu naatsumik ersarissumillu takutitassiinissaq. Nunanut allanut niuerneq pillugu kisitsisitigut paasissutissat itinerusumik Kalaallit Nunaata nunanik allanik niueqateqarneranik allaaserinninneruvoq. Kisitsisitigut paasissutissat, saqqummersitsinermut tunngaviusut, nunani tamalaani najoqqutarineqartut malillugit suliaavoq, Nioqqutinik immikkuutitaarineq takuuk.
Saqqummersitaq 2014 tikillugu inaarutaasumik 2015-miillu 2017-mut kisitsisaagallartunik imaqarpoq. Akiusullu tamarmik ingerlaavartumik akiullutik.
Saqqummersitami matumani niuernerup nalinga, januaarip 26-ani 2018-imi saqqummertumi Nuna tamakkerlugu naatsorsuutini, Nunanik allanik niueqateqarnermi naatsorsuutaasumiit allaanerujussuupput. Assigiigiinngissut, tunisap qaqugukkut avammut tunisaaneranik nalunaarneqartarnerata assigiinnginnerinik, pissuteqarpoq. Assigiinngissut pillugu itinerusumik allaaserisaq ”Nuna tamkkerlugu naatsorsuummi, nunanik allanik niueqateqarnermi naatsorsukkanik sanilliussineq” saqqummersitami uani periaaseq pillugu immikkoortumi atuarneqarsinnaavoq.