Siulequt

Kalaallit Nunaanni Naatsorsueqqissaartarfiup 2025-mut ukiumoortumik nalu­naarusiaani Naatsorsueqqissaartarfiup suliarisartagai, inatsisitigut tunngavi­gisai aamma aqutsinermi periusai saqqummiunneqarput. Tamatuma saniatigut Naatsorsueqqissaartarfimmi 2025-mi kisitsisitigut paasissutissat suliarineqar­tut kiisalu suliffeqarfiup aningaasaqarnera, sulisullu pillugit takussutissat nalu­naarusiap imarai.

 

Ukiumoortumik nalunaarusiamut atatillugu ingerlatsinermi pilersaarutit siu­lersuisut akuerisimasaat ukiumut ataasiarluni nutarterlugu saqqummersinne­qartarpoq. Ingerlatsinermut pilersaarut 2026-mi ukiakkut atuutilertussaq  ukiunut 2026-miit 2029-mut pilersaarutaassaaq.

 

Naatsorsueqqissaartarfimmit 2025-mi suliat ataatsimut isigalugit ajunngillat.

Naatsorsueqqissaartarfimmi ajornartorsiutaavoq piukkunnartunik sulilersin­naasunik pissarsiassaqannginnera, taamaattoqarneralu aningaasaqarnikkut pi­lersaarummi atuinikinnerunerup ersersippaa. Sulisussaaleqineq pissutaalluni kisitsisitigut paasissutissat nalinginnaasumik saqqummersittakkat 2025-mi salliutinneqarput nutaat ineriartortitsinerillu killilersimaarneqarlutik.

 

Ukiuni kingullerni Naatsorsueqqissaartarfimmut qinnuteqartartut suliassanut naleqquttunik sulisinnaassuseqartut amigaataapput. Ilinniartunik kisitsisitigut paasissutissanik, itisiliinernik aamma paasissutissanik (datanik) suliaqarner­mik soqutiginnilersitsinissaq siunertaralugu Naatsorsueqqissaartarfimmit suli­niuteqartoqarpoq. Siusissukkut paasissutissanik itisiliinermillu misilittagaqar­simasut Naatsorsueqqissaartarfimmi sulilernerisigut, sulianut suliffeqarfiullu piginnaasaanut qaffassaaqataasinnaannerat ilimagineqarpoq.

 

 

Vøgg Løwe Nielsen

Siulersuisunut siulittaasoq