Kalaallit Nunaanni Naatsorsueqqissaartarfimmi inaarutaasumik allaaserinnigit

Kisitsisitigut paasissutissanut tunngasunik inaarutaasumik allaaserinninnissat eqqarsaatigaajuk? Soqutiginnikkuit e-mailerlutit allaffigitigut. Inaarutaasumik allaaserisat Naatsorsueqqissaartarfimmi suliarissagukku ulluinnarni kisitsisitigut paasissutissanik suliaqartunik misilittagaqarluartunik oqaloqateqartarsinnaavutit. Iluatsillugu Naatsorsueqqissaartarfik ilinniassavat siunissamilu suliffigerusussinnaanerlugu isummersinnaassallutit.

 

Inaarutaasumik allaaserisassara sunut tunngasinnaava?

Kalaallit Nunaanni Naatsorsueqqissaartarfimmi inuiaqatigiinnut tunngasunik assigiinngitsunik inaarutaasumik allaaserinnittoqarsinnaavoq. Assersuutigalugu makku itisilerlugit sammisinnaavatit:

·         Innuttaasut amerlassusiisa ineriartornerat

·         Inunnut isumaginninnermut politikki

·         Ilinniartitaanermut politikki

·         Nuna tamakkerlugu naatsorsuutit

·         Nunanik allanik niueqateqarneq

Illit nammineerlutit inaarutaasumik allaaserinninninni suna sammerusunnerlugu nalunaarfigisinnaavatsigut. Isummersuutinnut tunngasunik oqaloqatiginissannut piareersimavugut.

 

Kalaallit Nunaanni Naatsorsueqqissaartarfiup neqeroorutigai uku:

Kalaallit Nunaanni Naatsorsueqqissaartarfimmi inaarutaasumik allaaserinnikkuit:

·         Sulianut tunngasunut pimoorussilluni suliaqarfiuvoq ulluinnarni sulisunik sulianut tunngasunik oqaloqateqarsinnaanermik periarfissaqarluni

·         Paasissutissat (data) assigiinngitsut alisissumillu sammisaqartut atorsinnaanissaanut periarfissaqassaatit

·         Inaarutaasumik allaaserinninninni sulinissamik imaluunniit suliffimmik misiliinissamik periarfissaqassaatit, isumaqatigiissutit maleruagassallu tunngavigalugit akilerneqassallutit

·         Nuummi najugaqanngikkuit ataavartumik attaveqarfigineqartarnissat isumaqatigiissutigisinnaavarput suliffeqarfimmiissinnaassallutillu sivikikkaluartumik

 

Kinaavit?

Ilinniartumik pissarsiorpugut:

·         Bachelorinngorniartumik imaluunniit kandidatinngorniartumik

·         Kalaallit Nunaanni ilinniartoq imaluunniit Kalaallit Nunaanneersoq nunami allami ilinniartoq

·         Paasissutissanik (data) suliaqarsinnaasoq aamma kisitsisitigut paasissutissiorsinnaasoq

·         Programmeriinermik misilittagalik imaluunniit soqutigisaqartoq. Nalinginnaasumik R atortarparput

 

Paasisaqarnerorusuppit?

Apeqqutissaqaruit Naatsorsueqqissaartarfiup pisortaa Anders Blaabjerg oqarasuaatikkut 345781 imaluunniit e-malikkut abla@stat.gl attaveqarfigisinnaavat.