Siulequt
Kalaallit Nunaanni Naatsorsueqqissaartarfiup 2023-mut ukiumoortumik nalunaarusiaa saqqummiunneqarpoq. Naatsorsueqqissaartarfiup suliassai tassunga ilanngullugit suliffeqarfiup inatsisitigut tunngavigisai aqutsinermilu pissutsit nalunaarusiami allaaserineqarput. Tamatuma saniatigut Naatsorsueqqissaartarfimmi 2023-mi kisitsisitigut paasissutissat suliarineqartut kiisalu suliffeqarfiup aningaasaqarnera, sulisullu pillugit takussutissat nalunaarusiap imarai.
Ukiumoortumik nalunaarusiamut atatillugu ingerlatsinermi pilersaarut siulersuisut akuerisimasaat ukiumut ataasiarluni nutarterlugu saqqummersinneqartarpoq. Ingerlatsinermut pilersaarut kingulleq ukiunut 2024 -2027-mut atuuppoq.
Naatsorsueqqissaartarfiup 2023-mi suliai ajunngillat. Ukiut siuliinut naleqqiullugu arlalinnik atuisunut pitsanngoriartoqarpoq. Kisitsisitigut paasissutissat kisitsisitigut paasissutissat ilaat pitsaanerusumik suliarineqarput, ukiuni tulliuttuni atuisunit malugineqalertussaallutik.
2023-mi suleriaaseq nutaaq ukiuni tulliuttuni arlalinni ingerlasussaq aallartinneqarpoq. Suleriaaseq taanna atorlugu Naatsorsueqqissaartarfimmi pisariinnerusumik assigiiaarnerusumillu suliaqartoqartalissooq. Suleriaatsip nutaap assigiiaartumik suliat sukkanerusumik suliarineqartalernissaat aamma sulisunut allanut sulianik tunniussisoqartillugu ajornannginnerusumik tunniussisoqartalernissaa siunertaapput.
Vøgg Løwe Nielsen
Siulersuisunut siulittaasoq