Aalisarneq 2024

Saqqummersitami uani 2020-miit 2024-mut pisarineqarsimasunut paasissutissat assigiinngitsunut immikkoortiterlugit ersarissarneqarnissaat anguniarneqarpoq.

 

Aalisarneq 2024 – Aalisakkat qaleruallillu pisat 2020-miit 2024-mut ineriartornerat

Kalaallit Nunaanni aalisarneq pillugu paasissutissat tamakkiinerusut pigineqalernissaat anguniarlugu Naatsorsueqqissaartarfimmit aalisarneq pillugu kisitsisitigut paasissutissat pitsaanerusunngorlugit suliariuarneqartarput. Paasissutissat tamatigoornerusut ataqatigiissullu qulakkeerniarlugit kisitsisitigut paasissutissat iluarsaaneqartarput tabelillu nutaat ilanngunneqartarlutik.

Kalaallit Nunaata imartaani kalaallinit aamma nunanit allaneersunit pisarineqartut kiisalu nunat allat imartaani kalaallinit pisarineqartut saqqummersitami ersersinneqarput.

Paasissutissat kisitsisaataasivimmut kingusinnerusukkut tabelimi FINA-mut ilineqarumaarput, pilersaarutaavoq taassuma februaarimi aggustimilu kisitsisinik nutaanik immerneqartalernissaa. Tabelit allat aalisarnermut tunngasunik imallit kvartalikkaarlugit nutaanik immerneqartarput.

Paasissutissat tunngaviusut 2025-mi Aalisarnermi nalunaarsuutinut nutaamut katersorneqalerput, taakku atorlugit paasissutissat Kalaallit Nunaannut tunngasut nunanilu tamalaanut atorneqartussat suliarineqartarput.