2022-mi suliffeqarfinni naatsoorsuutit
Saqqummersitami matumani Kalaallit Nunaanni ingerlatsiviit nammineq
pigisat, piginneqatigiilluni ingerlatsiviit, piginneqatigiiffiit,
aallarnisaanermi ingerlatsiviit nunanilu allani ingerlatsiviit Kalaallit
Nunaanni immikkoortortaqarfiini aningaasaqarnikkut pissutsit
kisitsisitigut paasissutissiaralugit Naatsorsueqqissaartarfimmit
saqqummersinneqarput. Suliffeqarfiit allat assersuutigalugu
kisermaassilluni ingerlatsiviit, aningaasaateqarfiit, peqatigiiffiit
assigisaallu ilanngunneqanngillat.
Immikkoortoq 1. 2022-mi naatsorsuutit
pingaarnerit
Takussutissiaq 1 malillugu, Aatsitassarsiornerlu minillugu,
2022-mi suliffeqarfinnut naatsorsuutit ineriartornerisa takutippaat
qaffariaateqartoqarsimasoq.
| 2018 | 2019 | 2020 | 2021 | 2022 | Allannguut pct.-inngorlugu 2022-21 | |
|---|---|---|---|---|---|---|
| Kaaviaartitat | 21.723 | 22.183 | 22.110 | 23.789 | 27.814 | 16,9 |
| Nioqqutissarsiat, nioqqutissiornermi atukkat (-) | 9.805 | 10.062 | 10.588 | 10.906 | 10.303 | -5,5 |
| Iluanaarutit tamakkerlugit | 11.918 | 12.122 | 11.522 | 12.883 | 17.511 | 35,9 |
| Iluanaarutit pct.-inngorlugit | 55 | 55 | 52 | 54 | 63 | 9,0 |
| Qaffariaatip nalinga | 8.288 | 8.536 | 7.832 | 8.974 | 9.701 | 8,1 |
| Ukiumut inernerit | 1.354 | 1.791 | 1.040 | 1.454 | 1.213 | -16,6 |
| Suliffeqarfiit amerlassusaat | 679 | 735 | 791 | 845 | 927 | 9,7 |
| Sulisut (inuit amerlassusaat) | 11.096 | 11.235 | 11.312 | 11.786 | 11.986 | 1,7 |
| * Allannguut procentpoint-inngorlugu |
Najoqqutaq: bank.stat.gl/ESNRESBAL aamma bank.stat.gl/ESNNGL
Takussutissiaq 1-imi takuneqarsinnaasutut kaaviiaartitat 2021-mi 23,8 mia.kr.-niit 2022-mi 27,8 mia.kr.-nut 16,9 pct.-imik qaffariarsimasut. Assiganik nioqqutissanik atuineq 2022-mi 10,3 mia.kr.-nut apparsimavoq, taamaasillunilu iluanaarutit tamakkiisut 17,5 mia.kr.-nngorlugit. Kaaviiaartitalli nioqqutissanik atuinermiit qaffariaateqarnerusimammata iluanaarutit pct.-inngorneri aamma 9 procentpoint-inik qaffapput.
Ingerlatsinermi aningaasartuutit allat ilanngukkaanni naleqarnerulersitsineq 2022-mi 9,7 mia.kr.-nik qaffappoq, tamannalu 8,1 pct.-imik annertussuseqarluni pitsanngoriarneruvoq. 2022-mi ukiumut angusat ataatsimut isigissangaanni 1.454 mio.kr.-niit 1.213 mio.kr.-nut appariaateqarput, ukiullu siulianut naleqqiullugu tamanna 16,6 pct.-imik appariarneruvoq. Taamatuttaaq 2022-mi suliffeqarfiit amerlassusaat 9,7 pct.-inik sulisullu amerlassusaat 1,7 pct.-inik qaffariarsimapput.
Titartagaq 1.-imi 2022-mi suliaqarfiit sulisumut ataatsimut naleqarnerulersitsinerisa ineriartornerat takutinneqarpoq.
Titartagaq 1. Suliaqarfiit malillugit sulisumut ataatsimut
naleqarnerulersitsineq, allannguut pct.-inngorlugu
Najoqqutaq: bank.stat.gl/ESNRESBAL aamma bank.stat.gl/ESNNGL
Titartagaq 1-imi takutinneqarpoq suliaqarfiit Atortussiornermik suliallit 0,9 pct.-inik, Assartuinermik assartugassalerinermillu suliallit 6,8 pct.-inik, Aningaaserivinnut, aningaasaliisarfinnut sillimmasiisarfinnullu suliallit 23,9 pct.-inik kiisalu Inissianik attartortitsinermik sullissinernillu allanik suliallit 26,3 pct.-inik ukiup siulianut sanilliullugit sulisumut ataatsimut naleqarnerulersitsinerat appariarsimasut. Akerlianilli suliaqarfinni allani 0,2 pct.-iniit 19,5 pct.-imut qaffariaateqartoqarpoq, Akunnittarfiit neriniartarfiillu suliaqarfik minillugu, tassani qaffariaat 38,6 pct.-inik annertussuseqarsimammat.
2022-mi naatsorsuutit pingaarnerit, takussutissiaq 2 malillugu Aatsitassarsiorluni suliaqarfik minillugu, ataani takussutissiarineqarput.
Takussutissiaq 2. Suliffeqarfinnut naatsorsuutit pingaarnerit kisitsisaat, aatsitassarsiorneq ilanngunnagu, mio. kr.| 2018 | 2019 | 2020 | 2021 | 2022 | Allannguut, 2022-21 | Allannguut pct.-inngorlugu | |
|---|---|---|---|---|---|---|---|
| Nalunaarsukkat inerneri | |||||||
| Kaaviaartitat | 21.723 | 22.183 | 22.110 | 23.789 | 27.814 | 4.025 | 16,9 |
| Nalikilliliinnginnermi angusat | 3.138 | 3.263 | 2.417 | 3.312 | 3.534 | 223 | 6,7 |
| Ingerlatsinermi angusat | 2.064 | 2.200 | 1.231 | 1.843 | 2.149 | 306 | 16,6 |
| Ukiumi angusat | 1.354 | 1.791 | 1.040 | 1.454 | 1.213 | -241 | -16,6 |
| Naatsorsuutit oqimaaqatigiissinnerat | |||||||
| Pissarsiat | 26.093 | 31.238 | 34.828 | 36.617 | 39.116 | 2.499 | 6,8 |
| Nioqqutissaatit | 9.063 | 10.701 | 10.774 | 10.987 | 13.705 | 2.718 | 24,7 |
| Namminerisamik aningaasaatit | 14.648 | 17.944 | 19.337 | 20.542 | 21.607 | 1.065 | 5,2 |
| Akiitsut | 20.503 | 23.995 | 26.265 | 27.062 | 31.211 | 4.149 | 15,3 |
| Naleqarnerulersitsineq | 8.288 | 8.536 | 7.832 | 8.974 | 9.701 | 727 | 8,1 |
| Uuttuutit | |||||||
| Suliffeqarfiit amerlassusaat | 679 | 735 | 791 | 845 | 927 | 82 | 9,7 |
| Sulisut (Inuit amerlassusaat) | 11.096 | 11.235 | 11.312 | 11.786 | 11.986 | 200 | 1,7 |
Najoqqutaq: bank.stat.gl/ESNRESBAL aamma bank.stat.gl/ESNNGL
Takussutissiaq 2-mi takutinneqartut pingaarnersiorlugit pissarsiat 52,8 mia.kr.-nik namminerisamillu aningaasaatit 21,6 mio.kr.-nik annertussuseqarput, ukiup siulianut sanilliullugit 11,0 pct.-inik kiisalu 5,2 pct-inik qaffariaateqarput. Taamatuttaaq akiitsut 2021-mi 27,1 mia.kr.niit 31,2 mia.kr.-nut 15,3 pct.-imik qaffariarput.
Titartagaq 2-mi 2022-mi suliaqarfinni sulisumut ataatsimut inernerit akileraaruseriikkat takutinneqarput.
Titartagaq 2. Sulisumut ataatsimut inernerit
akileraaruseriikkat, 1.000 kr.
Najoqqutaq: bank.stat.gl/ESNRESBAL aamma bank.stat.gl/ESNNGL
Titartagaq 2-mi takuneqarsinnaavoq Namminersortunit, ilisimatusarnikkut teknikikkullu kiffartuussernernut, Aningaaseriviit, aningaasaliisarfiit sillimmasiisarfiillu, Assartuineq assartugassalerinerlu aamma Sanaartornermi suliaqarfiit 2022-mi sulisumut ataatsimut 203.000 kr.-nik, 130.000 kr.-nik, 61.000 kr.-nik 5.000 kr.-nillu annertussusilinnit pitsaanngitsumik inerneqarsimasut. Suliaqarfiilli allat 84.000 kr.-niit 284.000 kr.-nut inissisimapput, Inissianik attartortitsinermi sullissinermilu suliaqarfiit minillugit, sulisumut ataatsimut 417.000 kr.nik angusaqarsimapput.
Ataani takussutissiaq 3-mi takutinneqarpoq 2022-mi suliaqarfiit naatsorsuutaat pingaarnerit.
Takussutissiaq 3. 2022-mi naatsorsuutit pingaarnerit suliaqarfiit malillugit| Suliffe- qarfiit | Sulisut | Kaavii- aartitat | Akissarsiat, soraarnerussutisiat il.il. | Ukiumi angusat | Naleqarneru- lersitsineq | Pissarsiat | Namminerisamik aningaasaatit | |
|---|---|---|---|---|---|---|---|---|
| Suliaqarfiit tamakkerlugit | 973 | 12.083 | 27.899,5 | 6.215,9 | 796,8 | 9.408 | 54.304 | 20.590,4 |
| Aalisarneq, aalisakkanik tunisassiorneq niuernerlu | 86 | 2.739 | 7.755,7 | 1.862,8 | 672,4 | 3.118 | 12.946 | 6.036,4 |
| Aatsitassarsiorneq | 46 | 97 | 85,8 | 49,3 | -416,0 | -293 | 1.484 | -1.016,8 |
| Atortussiorneq | 37 | 224 | 484,3 | 84,6 | 48,4 | 157 | 489 | 280,2 |
| Sanaartorneq | 149 | 2.245 | 4.092,5 | 1.109,5 | -12,8 | 1.369 | 3.633 | 665,2 |
| Niuertunik pilersuineq atugassanillu nioqquteqarneq: Qamutinik motoorilinnik iluarsartuussinerit | 131 | 2.806 | 7.641,5 | 948,1 | 369,5 | 1.543 | 5.523 | 2.797,1 |
| Assartuineq assartugassalerinerlu | 56 | 1.822 | 3.226,6 | 1.066,7 | -112,1 | 1.390 | 7.670 | 3.418,9 |
| Akunnittarfiit neriniartarfiillu | 45 | 467 | 544,8 | 175,9 | 39,6 | 271 | 734 | 263,0 |
| Paasissutissalerineq attaveqaatilerinerlu | 32 | 517 | 1.129,9 | 279,7 | 147,1 | 624 | 2.055 | 1.433,4 |
| Aningaaseriviit, aningaasaliisarfiit sillimmasiisarfiillu | 58 | 240 | 560,8 | 169,7 | -31,2 | 329 | 11.675 | 3.552,9 |
| Inissianik attartortitsinerit sullissinerillu allat | 182 | 309 | 1.016,4 | 141,5 | 129,1 | 457 | 6.471 | 2.556,5 |
| Namminersortunit, ilisimatusarnikkut teknikikkullu suliaqartunit kiffartuusinerit | 85 | 323 | 427,6 | 207,5 | -65,8 | 243 | 1.123 | 520,9 |
| Allaffissornikkut kiffartuussinerit | 66 | 296 | 933,6 | 120,7 | 28,8 | 202 | 501 | 82,5 |
Najoqqutaq: bank.stat.gl/ESNRESBAL
Immikkoortumi matumani suliaqarfiit sulisunut aningaasartuutaat (akissarsiat, soraarnerussutisiat il.il.) sulisut amerlassusaannut naleqqiullugit ukkatarineqarput. Takussutissiaq 3-mi takuneqarsinnaavoq Aningaasaateqarfinnut, aningaasaliisarfinnut sillimmasiisarfinnullu suliaqarfik aamma Aalisarneq, aalisakkanik tunisassiorneq niunerlu suliaqarfik sulisumut ataatsimut aningaasartuutaat qaffasinnerpaallutik inissisimasut. Muminganik Akunnittarfinnut neriniartarfinnullu suliaqarfik aamma Niuertunik pilersuinermi atugassanillu nioqquteqarnermi: Qamutinik motoorilinnik iluarsaassinernut suliaqarfik sulisut amerlassusaannut naleqqiullugit sulisunut aningaasartuutaat appasinnerpaasimapput. Ersarinnerusumik oqaatigalugu suliaqarfiit sulisunut aningaasartuutaat sulisumut ataatsimut 707.000 kr.-nik, 680.000 kr.-nik, 377.000 kr.-nik 338.000 kr.-nillu annertussuseqarsimapput. Suliaqarfiit allat aningaasartuutaat 400.000 – 600.000 kr.-llu akornanniipput.
Taamatuttaaq maluginiarneqarsinnaavoq Aatsitassarsiornermi suliaqarfik takussutissiat pingajuanni ilanngunneqartoq. Aatsitassarsiornermi suliaqarfiup ilanngunneqarnerani peqqutaavoq suliaqarfinnut tamanut ukiumut angusat 796 mio. kr.-nut annikillineqarmata, qaqutigoorluinnartumik aningaasaqarnikkut aningaasartuutinik peqquteqartumik. 2022-mili Aatsitassarsiorluni suliaqarfimmut angusaq pitsaasuunngilaq. Tamanna aamma Sanaartornermi, Namminersortunit, ilisimatusarnikkut teknikikkullu kiffartuussinermi, Assartuineq assartugassalerinermilu kiisalu Aningaaseriviit, aningaasaliisarfiit sillimmasiisarfiillu suliaqarfinni takuneqarsinnaavoq, tamannalu pissarsianik tigussaasunik annikinnerulersitsinermik avataaniillu aningaasartuutinik qaffasissunik peqquteqarpoq.
Titartagaq 3-mi takutinneqarpoq 2021-mi aamma 2022-mi suliaqarfinni naleqarnerulersitsineq.
Titartagaq 3. Suliaqarfiit malillugit naleqarnerulersitsineq,
mio. kr.
Najoqqutaq: bank.stat.gl/ESNRESBAL
Titartagaq 3-mi takutinneqarpoq Aalisarnermi, aalisakkanik tunisassiornerni niuernermilu suliaqarfik ukiup siulianut sanilliullugu 3,1 mia. kr.-nik qaffariaateqarnerpaalluni naleqarnerulersitsisimasoq. Akerlianik Aatsitassarsiorluni suliaqarfimmi naleqarnerulersitsineq 293 mio. kr.-nik appariaateqarnerpaasimavoq.
Immikkoortoq 2. Kisitsisit pingaarnerit
Takussutissiaq 4 malillugu 2021-mi 2022-milu suliaqarfinnut
naatsorsuutit kisitsisaat pingaarnerit matumani saqqummiunneqarput.
| 2021 | 2022 | 2021 | 2022 | 2021 | 2022 | 2021 | 2021 | |
|---|---|---|---|---|---|---|---|---|
| Suliaqarfiit tamakkerlugit | 2,0 | 3,4 | 4,0 | 6,4 | 39,4 | 37,9 | 1,1 | 1,1 |
| Aalisarneq, aalisakkanik tunisassiorneq niuernerlu | 5,1 | 6,9 | 8,9 | 10,8 | 48,6 | 46,6 | 0,9 | 1,3 |
| Aatsitassarsiorneq | -46,6 | -24,5 | -543,8 | -438,7 | -73,8 | -68,5 | 0,3 | 0,3 |
| Atortussiorneq | 13,9 | 13,2 | 12,8 | 12,4 | 20,5 | 57,3 | 1,1 | 2,1 |
| Sanaartorneq | -2,2 | 1,5 | -1,8 | 1,2 | 44,2 | 18,3 | 1,6 | 0,8 |
| Niuertunik pilersuineq atugassanillu nioqquteqarneq: Qamutinik motoorilinnik iluarsartuussinerit | 7,0 | 8,5 | 5,4 | 5,9 | 54,9 | 50,6 | 1,8 | 2,0 |
| Assartuineq assartugassalerinerlu | 3,8 | 0,7 | 8,0 | 1,5 | 47,2 | 44,6 | 1,6 | 1,2 |
| Akunnittarfiit neriniartarfiillu | 2,9 | 8,9 | 4,5 | 11,9 | 31,1 | 35,9 | 0,5 | 1,0 |
| Paasissutissalerineq attaveqaatilerinerlu | 8,4 | 9,2 | 14,0 | 16,2 | 72,7 | 69,8 | 2,0 | 1,7 |
| Aningaaseriviit, aningaasaliisarfiit sillimmasiisarfiillu | 2,0 | 1,3 | 47,4 | 25,8 | 30,3 | 30,4 | – | – |
| Inissianik attartortitsinerit sullissinerillu allat | 5,5 | 3,7 | 56,2 | 23,5 | 35,7 | 39,5 | 0,5 | 0,7 |
| Namminersortunit, ilisimatusarnikkut teknikikkullu suliaqartunit kiffartuussinerit | -0,8 | 1,9 | -1,9 | 4,9 | 53,1 | 46,4 | 0,8 | 0,6 |
| Allaffissornikkut kiffartuusinerit | 2,3 | 8,8 | 3,3 | 5,0 | 15,4 | 16,5 | 1,1 | 0,4 |
| Malugiuk: Akiliisinnaassutsip annertussusaa Aningaaserivinnut aningaasaliisarfinnullu suliaqarfimmi naatsorsorneqanngilaq. |
Najoqqutaq: bank.stat.gl/ESNNGL
Iluanaarutit annertussusaat tassaavoq pisassarisanut naleqqiullugu akileraaruseriikkamik inernerat, tamanna nammineq akiliisinnaassutsimut kisitsisaavoq pisassarisat nalingini iluanaarutissanik takutitsisoq. Takussutissiat sisamaanni takuneqarsinnaavoq iluanaarutit annertussusaat siuliani ukiumut sanilliullugu 1,4 procentpoint-inik qaffassimasoq. Suliaqarfiillu qiviassagaanni Atortussiornermut suliaqarfimmi annertunerpaasimavoq, Aatsitassarsiornermi suliaqarfiit iluanaaruteqarsimanngillat.
Sinneqartoorutit annertussusaat iluanaaruteqarsinnaanermut tunngassuteqarput suliffeqarfiullu kaaviiaartitamini sinneqartooruteqarnissaminut piginnaassusaanik takutitsisuulluni. Takussutissiat sisamaanni takutinneqarpoq sinneqartoorutit annertussusaat ukiumut siulianut sanilliullugu 2,4 procentpoint-inik qaffassimasoq. Aningaaseriviit, aningaasaliisarfiit sillimmasiisarfiillu allanut suliaqarfimmi 2022-mi annertunerpaasimavoq, Aatsitassarsiornermili suliaqarfiit amigartooruteqarsimapput.
Akiliisinnaassutsip annertussusaa suliffeqarfiup annaasaqarnermi akuersaarinnissinnaanermut piginnaasaanik takutitsivoq. Annaasaqarnermi akiliisinnaassutsip annertussusaa namminerisamik aningaasaatit pisassarisanut tamanut namminerisamik aningaasaatinik aningaasaliiffigineqarsimasunut naleqqiullugit kisinneqarput. Takussutissiallu sisamaanni akiliisinnaanerup annertussusaa 1,5 procentpoint-inik apparsimasoq takuneqarsinnaavoq. Suliaqarfikkaarinermi Paasissutissalerinermut attaveqaatilerinermullu suliaqarfik qaffasinnerpaamik akiliisinnaassuseqarsimavoq, Aatsitassarsiornermili suliaqarfimmi appasinnerpaavoq, tamannalu suliaqarfiup akiitsui pissarsianit annertunerunerannik peqquteqarpoq.
Akiliisinnaassuseqarnerup takutippaa qanoq annertutigisumik akileeqqusissutit annertunngitsut akuerineqarsinnaanerat. Akiliisinnaassuseqarneq kaaviiaartitani pisassarisat akiitsunut piaartumik akilerneqartussanut naleqqiullugit kisinneqarpoq. Takussutissiat sisamaanni takutinneqarpoq akiliisinnaassuseqarnerup uuttuutaa 2021-mi 1,1-miit 2022-mi 1,09-imut apparsimasoq, tamannalu ingerlatsiviit piaartumik akileeqqusissutinut suli malinnaasinnaanerannik isumaqarpoq. Suliaqarfiilli malillugit takuneqarsinnaavoq Aatsitassarsiorluni suliaqarfik, Sanaartornermi suliaqarfik, Inissianut attartortitsinernut sullissinernullu allanut suliaqarfik, Allaffissornikkut kiffartuussinernut suliaqarfik kiisalu Namminersortunit, ilisimatusarnikkut teknikikkullu kiffartuussinernut suliaqarfik 2022-mi akiliisinnaassusiisa uuttuutaat 1-imit annikinnerusoq, tamannalu isumaqarpoq suliaqarfiit taaneqartut akiitsui piaartumik akilerneqartussat kaaviaartitaanni pissarsianit matussuserneqarsinnaanngitsut.