Saqqummersitamik iluarsaassineq
Siullermik saqqummersinneqartarsimasut eqqarsaatigalugit saqqummersitaq una iluarsaassinnertaqarpoq. 2004-2022 kisitsisit iluarsaanneqarlutik.
Mittarfeqarfinniit paasissutissat pissarsiat malillugit timmisartunut Kalaallit Nunaata, Danmarkip aamma Savalimmiut avataanut ingerlaartunut orsersuisarneq ilanngunneqarsinnaalerpoq. Tamatuma kingunerisaanik Kalaallit Nunaata iluani angalanernut orsussamik jet A-1 /petroliumik atuineq iluarsineqarpoq annikillisinneqarluni.
Nukissiorfiit atuisunut suliffeqarfinnut akigisaqartarnerminnut immikkoortiterinerata iluarsaanneqarsimanerata kinguneranik innaallagiamik, imermik kiassarnermullu atuinerit suliffeqarfinnut agguaassimanerat iluarsaanneqarpoq.
Suliffeqarfiit Diesel Fuel Arctic-imik (DFA) atuinerat iluarsaanneqarpoq. Mittarfeqarfinnit Kangerlusuarmi suliffeqarfiit DFA-mik atuinerat nalunaarsorneqarsinnaalersimammat, kisitsisit paasissutissat tunngaviusut suliffeqarfinnut atuisunut immikkoortiterneqarsinnaalersimapput. Mittarfeqarfiit gasoliamik paasissutissaataat Narsarsuarmeersut Narsarsuarmi gasoliamik atuisunut aamma Mittarfeqarfiup nammineq atorsimasaannut immikkoortinneqarsinnaalerput.
Gasoliamik, benzinamik, petruliumik aamma flaskegasinik (LPG) suliffeqarfiit atuiffiusut iluarsaanneqarput. Nukissiuutinik atuinermut oqaluttuarisaanermi paasissutissat misissoqqissaarneri, suliffeqarfinnik amerlanerusunik ilanngussineq akileraarutinik naatsorsuutinit ilanngussaqarneruneq allallu iluarsaassinermut tunngaviupput.
Naatsorsueqqissaartarfimmit ilimagineqarpoq 2025-mi iluarsaassinerup naammassinissaa. Iluarsaassinermi tulliuttumi angallannermit, najugaqarfinnit aamma angerlarsimaffinnit nukissiuutinik atuinerit immikkut suliarineqassapput. Saqqummersitami uani kisitsisit 1990-imiit 2023-mut kisitsitsit suliarineqarput, ukiut 2019-miit 2023-mut immikkut suliarineqarlutik.