Kalaallit Nunaannut aamma Kalaallit Nunaata avataanut nuuttarnerit
Innuttaasut pillugit kisitsisitigut paasissutissani Kalaallit Nunaannut aamma Kalaallit Nunaata avataanut nuuttartut amerlassusaat paasissutissiorneqartarput. Inuk inuunermini nuunngiivissimasinnaasarpoq imaluunniit ataasiarluni arlaleriarluniluunniit nunasisimasinnaasarluni, ilaatigut ukiumut arlaleriarluni nunasisinnaasarluni. Nunasisimasut tamakkernerini nalunaarsuinermi nunasinerit tamarmik pineqartarput. Kalaallit Nunaannut Kalaallit Nunaannit nuuttunit ilanngarneqaraangata nunasisimasut amerlassusaatut nalunaarutigineqartarput.
Ukiut 31-t kingulliit ingerlanerini 71.744-t Kalaallit
Nunaannut nuussimapput. Piffissami pineqartumi 83.177-it Kalaallit
Nunaata avataanut nuussimapput. Kalaallit Nunaannit nuussimasut
taamaasillutik 11.433-usimapput, agguaqatigiissillugu ukiut tamaasa
369-it Kalaallit Nunaannit nuuttarsimapput.
| 1999 | 2004 | 2009 | 2014 | 2019 | 2024 | Katillugit | Agguaqatigiissitsineq | |
|---|---|---|---|---|---|---|---|---|
| Katillugit | -316 | -228 | -189 | -585 | -299 | -485 | -11.433 | -381 |
| Kalaallit Nunaat | -290 | -187 | -274 | -454 | -431 | -444 | -11.460 | -382 |
| Danmarkimi/Savalimmiuni inuusimasut | -54 | -13 | 8 | -104 | 9 | -170 | -1.988 | -66 |
| Naalagaaffiup avataani inunngorsimasut | 28 | -28 | 77 | -27 | 123 | 129 | 2.015 | 67 |
2010-miit 2024-mut Kalaallit Nunaannut Kalaallillu Nunaata avataanut nuunnerit
2010-p kingorna inuit nunasisartut ukioqqortussusaat tunngavigalugu
misissuataarnerini paasinarsivoq assigiinngitsunut marlunnut
immikkoortinneqarsinnaasut (Titartagaq 2a). Taakkuli 70-it sinnerlugit
ukiullit akornini nuuttoqartanngingajannera assigiissutigaat,
taamaannerali pissusissamisuuginnarpoq 70-it sinnerlugit ukiullit
ikitsuinnaammata.
Danmarkimut efterskoleriartartut 16-18-inik
ukiullit amerlasoorujussuupput Kalaallit Nunaata avataanut nunasisartut
akornini. Meeqqat 5-it inorlugit ukiullit Kalaallit Nunaata avataani
inunngorsimasunik anaanallit aamma amerlapput.
1995-imit 2024-mut nunasisartut utikajaartut
Nunasisartut amerlasuut piffissap sivikitsup imaluunniit piffissap
sivisuup iluani uteqqittarput.Titartagaq 13a: Kalaallit Nunaata
avataanut nuussimasut Kalaallit Nunaanni inunngorsimasut 3/5-it missaat
nuunnerminnit ukiut tallimat qaangiukkaangata Kalaallit Nunaannut
utersimasarput.
Titartagaq 13b: Kalaallit Nunaannut
nuussimasut Danmark/Færøerne avataani inunngorsimasut akornanni 1/5-it
missaat ukiut tallimat qaangiukkaangata Kalaallit
Nunaanniiginnartarput.
Titartagaq 13c: Kalaallit Nunaannut
nuussimasut Rigsfællesskabet avataani inunngorsimasut akornanni 4/5-it
missaat ukiut tallimat qaangiukkaangata Kalaallit
Nunaanniiginnartarput.
Kisitsisaataasivimmi nunasisartut utikajaartut pillugit tabeli
sukumiisoq pissarsiassaavoq ukuninnga imaqartoq; suiaassuseq aamma
ukioqqortussuseq. Titartakkami 14-imi ukiut 2014 – 2018 Kalaallit
Nunaanniit nuuffiit taakkunanngalu ukiut tallimat ingerlanerini
Kalaallit Nunaanut uteqqissimasut ataatsimoortillugit
takuneqarsinnaapput,
Danmarkimut efterskoleriarsimasut
amerlanerpaartaat ukiup ataatsip ukiullu pingasut ingerlanerini
Kalaallit Nunaannut uteqqittarput.
