Nunasinerit
Innuttaasut pillugit kisitsisitigut paasissutissani Kalaallit Nunaannut aamma Kalaallit Nunaata avataanut nuuttartut amerlassusaat paasissutissiorneqartarput. Inuk inuunermini nuunngiivissimasinnaasarpoq imaluunniit ataasiarluni arlaleriarluniluunniit nunasisimasinnaasarluni, ilaatigut ukiumut arlaleriarluni nunasisinnaasarluni. Nunasisimasut tamakkernerini nalunaarsuinermi nunasinerit tamarmik pineqartarput. Kalaallit Nunaannut Kalaallit Nunaannit nuuttunit ilanngarneqaraangata nunasisimasut amerlassusaatut nalunaarutigineqartarput.
Ukiut 27-t kingulliit ingerlanerini 65.530-t Kalaallit Nunaannut nuussimapput. Piffissami pineqartumi 75.848-t Kalaallit Nunaata avataanut nuussimapput. Nunasisimasut taamaasillutik 10.318-iusimapput, Agguaqatigiissillugu ukiut tamaasa 382-it nunasisarsimapput.
| 1996 | 2001 | 2006 | 2011 | 2016 | 2021 | antal i alt | gennemsnit | |
|---|---|---|---|---|---|---|---|---|
| Katillugit | -483 | -252 | -644 | -159 | -312 | -222 | -10.318 | -382 |
| Kalaallit Nunaat | -419 | -234 | -466 | -303 | -360 | -280 | -10.012 | -371 |
| Kalaallit Nunaata avataani | -37 | -8 | -179 | 150 | 54 | 60 | -159 | -6 |
2010-miit 2021-mut nunasinerit
2010-p kingorna inuit nunasisartut ukioqqortussusaat tunngavigalugu misissuataarnerini paasinarsivoq assigiinngitsunut marlunnut immikkoortinneqarsinnaasut (titartagaq 2). Taakkuli 70-it sinnerlugit ukiullit akornini nuuttoqartanngingajannera assigiissutigaat, taamaannerali pissusissamisuuginnarpoq 70-it sinnerlugit ukiullit ikitsuinnaammata.
Danmarkimut efterskoleriartartut 16-18-inik ukiullit amerlasoorujussuupput nunasisartut akornini. Meeqqat 5-it inorlugit ukiullit Kalaallit Nunaata avataani inunngorsimasunik anaanallit aamma amerlapput.
1995-imit 2021-mut nunasisartut utikajaartut
Nunasisartut amerlasuut piffissap sivikitsup imaluunniit piffissap sivisuup iluani uteqqittarput.Titartagaq 13a: Nunasisimasut Kalaallit Nunaanni inunngorsimasut 3/5-it missaat nuunnerminnit ukiut tallimat qaangiukkaangata Kalaallit Nunaannut utersimasarput.
Titartagaq 13b: Kalaallit Nunaannut nuussimasut Kalaallit Nunaata avataani inunngorsimasut akornanni 1/5-it missaat ukiut tallimat qaangiukkaangata Kalaallit Nunaanniiginnartarput.
Kisitsisaataasivimmi nunasisartut utikajaartut pillugit tabeli sukumiisoq pissarsiassaavoq ukuninnga imaqartoq; suiaassuseq aamma ukioqqortussuseq. Titartakkami 14-imi ukiut 2012 – 2017 Kalaallit Nunaanniit nuuffiit taakkunanngalu ukiut tallimat ingerlanerini Kalaallit Nunaanut uteqqissimasut ataatsimoortillugit takuneqarsinnaapput,
Danmarkimut efterskoleriarsimasut amerlanerpaartaat ukiut pingasut ingerlanerini Kalaallit Nunaannut uteqqittarput.
