Toqusut
2020-mi inuit 515-it toqusimapput. 2019-imi 548-nit toqusunit 33-nik ikinnerullutik. Tabel 3-imi takuneqarsinnaavoq kommunini toqusut amerlassusaat, inunngorfik suiaassuserlu malillugit.
Tabel 3, Toqusut ukiut inunngorfii malillugit
Kisitsisaataasivimmi tabeli takuuk| Angutit | Arnat | Katillugit | Angutit | Arnat | Katillugit | Angutit | Arnat | Katillugit | |
|---|---|---|---|---|---|---|---|---|---|
| Hele landet | 269 | 221 | 490 | 23 | 2 | 25 | 292 | 223 | 515 |
| Kommune Kujalleq | 34 | 36 | 70 | 2 | 0 | 2 | 36 | 36 | 72 |
| Kommuneqarfik Sermersooq | 82 | 75 | 157 | 13 | 1 | 14 | 95 | 76 | 171 |
| Qeqqata Kommunia | 54 | 34 | 88 | 3 | 0 | 3 | 57 | 34 | 91 |
| Kommune Qeqertalik | 42 | 34 | 76 | 1 | 0 | 1 | 43 | 34 | 77 |
| Avannaata kommunia | 57 | 42 | 99 | 4 | 1 | 5 | 61 | 43 | 104 |
Titartagaq 7-imi toqusut 515-it ukiut inunngorfii malillugit agguataarneqarput. 2021-mi januaarip allaqqaataani inuit 515-it 90-inik sinnerlugilluunniit ukiullit Kalaallit Nunaanni najugaqarput. Kalaallit Nunaanni inunngorsimasut 100-nillu ukioqalersimasut amerlassusaat assaat marluinnaat atorlugit kisinneqarsinnaapput.
Meeqqat ukiuni inuuffigisaminni siullerni tallimani toqusut quliupput, tamanna titartagaq 10-mi takutinneqartutut meeqqat toqusarnerannut kisitsinermi tunngaviliivoq.
Kisitsisaataasivimmi tabeli takuuk
Kisitsisaataasivimmi tabeli takuuk
FN-ip nunarsuaq tamakkerlugu anguniagaani 3.2.1-imi ukioq 2030 tikitsinnagu uumallutik inuusut 1000-iugaangata meeqqat toqusartut 25-t ataallugit annikillisinneqarnissaat ukkatarineqarpoq. 2020-mi meeqqat uumallutik inuusut 1000-iugaangata toqusoqartarnera 14.1-imut kisinneqarpoq.
Titartagaq 9-mi ukiumut toqusut qaammatinut toqquivigisaannut agguaallugit kisinneqarput, ukiumut toqusut tamakkerlutik amerlassusaat takuneqarsinnaasunngorlugu. 2020-mi nunarsuaq tamakkerlugu nappaassuarmik tuniluuttoqarnerani killilersuinerit kingunerisaannik marsimi apriilimilu soorlu toqusut amerlassusaat ikinnerusimasut, ukiulli qaammataani kingullerni ikaleqqillutik. Maluginiarneqassaarli 2020-mi toqusuni covid-19-imik peqquteqarluni toqusoqanngimmat.
Kisitsisaataasivimmi tabeli takuuk
Toqusoqartarnera
Innuttaasut akoranni toqusoqartarnerata ineriartorneranut uuttuutitut angutit arnallu inuuneqqortussusaat kisinneqarput. Inuuneqqortussuseq aamma agguaqatigiissillugu ukiunik inuuffinnik imaluunniit inoorlaanut piffissamik inuuffimmik taaneqartarpoq. Inuuneqqortussuseq ukiunut inuuffinnut tamanut kisinneqartarpoq, agguaqatigiissillugulu inuup piffissaq inuuffigisimasaa, ukiut x-it angusimasaatut nassuiarneqartarluni.
Kisitsinermi ukiut suiaassutsillu malillugit toqusoqartarnera tunngavingineqarpoq, tassanilu suli toqusimanngitsut missingersorneqartarput. Suli toqusimanngitsunut missingersuutit ukioqatigiiaani inoorlaat 1000-iugaangata toqusoqartarnera ersersittarpaat. Titartagaq 10-mi takutinneqarpoq Kalaallit Nunaanni inunngorsimasunut, Nuummi nunallu sinnerani, missingersuutit, suiaassuseq malillugu. Pingaartumik angutit Nuup avataani najugallit inuusuttuaraanerminniilli ukiunik inuuffissanik amerlasuunik annaasaqartarput.
Kisitsisaataasivimmi tabeli takuuk
Kalaallit Nunaanni toqusoqartarnera, ukiumi kisitsiviusumi nalaatsornikkut peqquteqartumik sunniisinnaasut minnerutinniarlugit, piffissanut ukiunut marlukkaanut aamma tallimakkaanut kisinneqartarput.
Nunanut allanut arlalinnut sanilliussiffigisartakkatsinnut naleqqiullugit, nalinginaasumik Kalaallit Nunaanni inunngorsimasut agguaqatigiissillugu sivikinnerusumik inuusarput, tamaattoq ukiut 20-t matuma siornarnit missiliorlugu ukiunik tallimanik sivisunerusumik. Aamma Kalaallit Nunaanni arnat agguaqatigiissillugu ukiunik sisamanik angutinit inuuneqqortunerupput. Innuttaasut inuuneqqortussusaat inunngorfiit malillugit agguataaraanni annertuumik assigiinngissuteqarput (Kalaallit Nunaanni imaluunnit avataani inunngorsimasut).
Titartagaq 11a-mi Nuummi/Nuup avataani Kalaallit Nunaanni inunngorsimasut 1999-imiit inuuneqqortussusaat takunneqarpoq. Takuneqarsinnaasutut innuttaasut Nuummi najugallit pingajorarterutaannut agguaqatigiissillugu ukiut inuuffiit takinerusumik kisinneqarput. Titartagaq 11b malillugu angutit arnallu inuuneqqortussusaat North West Territories/Nunavummi inuuneqqortussutsit annertoqqatigaat.
