Nuuk
Ukiuni
kingullerni qulini Kalaallit Nunaanni inunngorsimasut Nuummi najugallit
2.434-nik amerleriarsimapput, imaluunniit ukiumut agguaqatigiissillugu 243-nik.
Nuup illoqarfiani massakkut 14.624-t najugaqarput. Naatsorsuutit inernerini, misilittakkanik
pereersimasunik taamaallaat tunngaveqartuni, tamanna ingerlaannarsinnaanngilaq
Kalaallit Nunaata avataani najugallit imaluunniit nunami innuttaasut
amerlanerusut Nuummut nuunngippata.
Nuummi
innuttaasut nunap inoqarfiinit allanit inuiaqatigiinni qanoq inissisimanerat
allaaneruvoq, tassani illoqarfiup innuttaasui amerlasuut Kalaallit Nunaata
avataani inunngorsimasuummata angutillu amerlanerullutik.
Nuummi
innuttaasut Kalaallit Nunaanni inunngorsimasut akornanni ukiuisa
agguataarnerini 1960-ikkunni inuusimasorpassuit ersaaripput. Taakku tullii
1970-ikkut qeqqata tungaanut inunngorsimasut, ikinnerungaatsiarlutik ukiut
agguataarnerini angutit Kalaallit Nunaanni inunngorsimasut avataanilu
inunngorsimasut amerlaqatigiiginnangajapput.
Titartagaq
3. Nuup illoqarfiani innuttaasut ukiut, suiaassuseq inunngorfillu malillugit,
2020
Najoqqutaq: Naatsorsueqqissaartarfik, Kisitsisaataasivimmi kisitsisit takukkit (BENSTNUK)
Titartagaq 4. Nuup illoqarfiani innuttaasut – Kalaallit Nunaata avataani inunngorsimasut, ukiut toqqartukkat
Najoqqutaq: Naatsorsueqqissaartarfik, Kisitsisaataasivimmi kisitsisit takukkit (BENSTNUK)
Titartagaq
4-rimi takuneqarsinnaavoq innuttaasut Kalaallit Nunaata avataani inunngorsimasut
akornanni 2020-mi ukiuisa agguataarneri ukiut qulit 20-llu matuma siornarnit
allannguuteqarpallaarsimanngitsut. Taamaallaalli ukioq 2000-imi angutit 60-it
sinnerlugit ukiullit amerlanerusimanngillat, ukiunut toqqartukkanut tulliinut
naleqqiullugit.
Uuttuutit
pineqartut paasinarsisippaat Nuummi innuttaasut avataani inunngorsimasut
inuiaqatigiinni allarluinnarmik inissisimasutut oqaatigineqarsinnaasut.
Kalaallit Nunaata avataani inunngorsimasut amerlassusaat sulisunik
tikisitsinissamut pisariaqartitsinermik ersersitsisuusinnaavoq, taakkulu
akornanni suiaassutsit ukiullu agguataarneri imminnut taarseraattuupput, soorlu
aallartoqartillugu aallartoq allamik suiaaqataanik inuusunnerulaamillu
taarserneqartarluni. Pineqartunut Kalaallit Nunaanni najugaqarneq taamak
sivikitsigitillugu, ukiuni kingullerni 20-ni avataani inunngorsimasut ukiuisa
suiaassusaasalu agguataarnerisa assigiinnerannut tamanna nassuiaataasinnaavoq.
Tamannali
Nuup innuttaasuinut sunniutaa annikinnerusoq naatsorsuutit takutippaat, ukiullu
tulliuttut qulit ingerlanerini inunnut 150-iinnarnut naatsorsorneqarput.
Naatsorsueriaaseq
malillugu nunap inoqarfiini Kalaallit Nunaanni inunngorsimasunut ukiumoortumik
allannguutit, ukiuni kingullerni qulini pisimasut ilanngullugit titartagaq
4-rimi takutinneqarput.
Ataatsimut
isigalugu ukiuni tulliuttuni qulini meeqqat Nuummi najugalinnik anaanallit
250-inik ikinnerusut inunngussapput, arnat meeqqiorfiusartunik ukiullit
ikinnerussammata. Innuttaasullu utoqqaanerulernerat peqqutigalugu ukiuni
kingullerni qulini toqusartunit toqusut 400-nik amerlanerussapput.
Titartagaq
5. 2010-miit 2030-mut Nuummi innuttaasut Kalaallit Nunaanni inunngorsimasut,
ukiumoortumik allannguutit
Najoqqutaq: Naatsorsueqqissaartarfik, Kisitsisaataasivimmi kisitsisit takukkit (http://bank.stat.gl/benp20regc)
Kalaallit Nunaata kangiani Tasiilaq illoqarfinni annersaalluni pingaartumik 2007-ip kingorna sumiiffimmi inoqarfinnit allanit nuuffigineqartarpoq.
Titartagaq 6a. 1980-imiit 2020-mut Tunumi innuttaasut ineriartornerat
Najoqqutaq: Naatsorsueqqissaartarfik, Kisitsisaataasivimmi kisitsisit takukkit ( http://bank.stat.gl/benst4)
Titartagaq 6b. 1977-imiit 2020-mut kommunini innuttaasut ineriartornerat
|
Kommune Kujalleq
2009-mi kommunerujussuit atuutsinneqalerneranniit illoqarfimmi Narsami Nanortalimmilu innuttaasut ikiliartulersimapput, Qaqortumili kommunip illoqarfiani annerpaami innuttaasut amerlassusaat nikippiarsimanngilaq. Kommunip inoqarfiini allani ukiuni kingullerni 40-ni innuttaasut ikiliartorsimapput. |
|
Qeqqata Kommuniani aamma Kommune Qeqertalimmi
ukiuni kingullerni 20-ni innuttaasut amerlassusaat annikitsumik ikiliartorsimapput.
Illoqarfinni annerni kisimi, Sisimiuni aamma Aasianni, ukiuni kingullerni
qulini innuttaasut amerlassusaat nikippiarsimanngillat. |
|
Avannaata Kommuniani nunaqarfinni innuttaasut amerlassusaat ukiuni kingullerni 12-ini appariartorsimavoq, illoqarfinnili innuttaasut allanngorarsimanngillat.
Ukiuni tulliuttuni kommunimi innuttaasut ikinnerulernissaat naatsorsuutigineqarpat, nunaqarfinni innuttaasut ikinnerulersitsisuusussaapput.
|
|
Avannaata Kommuniani illoqarfiit avataanni inoqarfinni innuttaasut ukiui malillugit
Titartakkami takuneqarsinnaavoq illoqarfiit
avataanni inoqarfinni innuttaasut ukiuinut agguataarneri. Ukiut 40-t matuma
siorna innuttaasut 57 pct.-ii 25-t inorlugit ukioqarsimapput, ullumikkulli 38
pct.-iinnaapput. |