Siunertaq

Ilaqutariinnut kisitsisitigut paasissutissat Naatsorsueqqissaartarfiup inuttaasunut nalunaarsuiffia ilaqutariinni inissisimanermut nassuiaammik immikkoortumik ilaneqarput. Immikkoortoq innuttaasunut tunngasuni taaneqareersutut inunnut aammalu inoqutigiinnut kisitsisitigut paasissutissani atuuttunut ilassutaavoq. Inuiaqatigiinni pissutsinut paasissutissat allat atorlugit ilaqutariit nassuiarneqarsinnaapput, soorlu najugaq, inunngorfik, ukiut, angajoqqaat aammalu aappariinnermi inissisimaneq. Ilaqutariinnermut paasissutissani pingaarnertut nassaassaapput:

 

1.    Ilaqutariinnermut uppernarsaat ilaqutariinnut uppernarsaataavoq erseqqissoq, piffissamilu sivisunerusumi malittarineqarsinnaasoq. Inuk kisimiittoq nammineq ilaqutariinnermut uppernarsaateqarpoq, inulli kisimiikkallartillugu taanna allanngorsinnaanngilaq. Aappariit ilaqutariittut uppernarsaatertik pigiinnartarpaat marluullutik aappariittut ingerlagallartillutik. Meeqqat inuusuttullu angajoqqaaminni najugallit ilaqutariinni inersimasoq/inersimasut assinginik ilaqutariinnermut uppernarsaateqarput.

 

2.    Ilaqutariit assigiinngitsut ataani allassimasut tassaapput:

·         Katissimasut

·         Inooqatigiit

·         Najungaqatigiit

·         Kisimiittut

·         Meeraq angajoqqaamini najugaqanngitsoq

 

3.    Ilaqutariinnermi inuup pineqartup inissisimaffia. Inissisimaffiit ataani allassimasut tassaapput:

·         Katissimasoq

·         Inooqatilik

·         Najungaqatilik

·         Kisimiittoq

·         Meeraq angajoqqaamini najugalik

·         Inuusuttoq angajoqqaamini najugalik

·         Meeraq angajoqqaamini najugaqanngitsoq

 

Innuttaasut kisitsisitigut paasissutissaasa nalunaarsuiffiat ilaqutariinnermut kisitsisitigut paasissutissani tunngavigineqarpoq.

 

Taamatuttaaq ilaqutariinnermut kisitsisitigut paasissutissat naatsorsuutinik misissueqqissaarnernillu annertunerusunik ilaneqarsinnaapput. Assersuutigalugu ilaqutariinnermut nalunaarsuiffik malillugu ilaqutariinnut nalunaarsuutini meeqqat pingaarnertut aallaavigalugit suliarineqarsinnaanerat periarfissaavoq.

 

Ilaqutariinnermut kisitsisitigut paasissutissat kisitsisitigut paasissutissanik allanik katigunneqarsinnaapput. Assersuutigalugu meeqqat angajoqqaaminni najugaqanngitsut qanoq amerlatigisut ilaqutariinni ilasiaanerat imaluunniit isumaginniffinni najugaqarnerat misissussallugu naleqquttuusinnaavoq

 

Inoqutigiit isertitaasa naatsorsornissaat naleqquttuusinnaavoq inoqutigiiulluni ataatsimut aningaasartuutinut soorlu ineqarnermut akiliummut, imermut, innaallagissamut, kiassarnermut, sillimmasiinernut, nerisassanut il.il. akiliuteqartaraanni. Ilaqutariinnermut kisitsisitigut paasissutissat eqqarsaatigissagaanni ilaqutariinni isertitat aamma isumaginninnermut tunngasut ilaqutariinni inissisimaneq aallaavigalugu kisitsisitigut paasissutissat suliarineqarsinnaanerat naleqquttuusinnaavoq.