Periaaseq paasissutissiornerlu
Imigassat pillugit kisitsisitigut paasissutissiornermi kisitsisit
atorneqartut akileraaruseriffimmit Toldfunktion Aalborgimiittumit
pissarsiarineqartarput. Nalunaarusiat Akileraartarnermut
Aqutsisoqarfimmut Nuummiittumut ingerlateqqinneqartarput, inaarutaasut
suliareqqitassatut isumagalugu tamanut saqqummiunnissaanut
Naatsorsueqqissaartarfimmit isumagineqartarpoq.
Naatsorsuinermi ukiumoortumik imigassamik pilersuinermi inummut ataatsimut 15-ileereersimasumut katitat agguaqatigiissinnerannut atorneqartarpoq. Innuttaasut amerlassusaat Naatsorsueqqissaartarfiup nammineq suliarisarpaa.
Imigassat immikkoortillugit akitsuutaanik paasissutissani1, imigassap aalakoornartortaata katinneqarnera takuneqarsinnaavoq. Imigassaq eqqussaq akileraarutaasussaq aamma Kalaallit Nunaanni suliffeqarfinnit tunisassiaq naatsorsuinerni atorneqarput, mittarfinni akileraarutitaqanngitsumik nioqqutit aamma umiarsuarnut nunanut allanukartussanut pilersuinerit ilaanngillat. Nunani avannarlerni periaaseq atorneqarpoq. Saqqummersitani siullerni kisitsisit naqqiissuteqarfigineqarsinnaapput.
Kisitsisit atorlugit paasissutissiornermi nunat assigiinngitsut akornanni najoqqutassat atorneqarput, imigassat baaja, viinni imigassarlu sakkortuumut agguarneqarlutik. Taakku nassuiaaserneqarput imigassaq aalakoornartortalik pct.-imut sakkortussusaat tunngavigalugu:
Imigassap aalakoornartua naatsorsugaavoq literimut imigassamut akuitsumut, imigassat aalajangersimasut qanoq annertutigisumik aalakoornartumik imaqarnersut immikkoortiterneqarsimanerat najoqqutaralugu. Imigassap aalakoornartua agguaqatigiissitsinikkut naatsorsugaavoq, takuuk takussutissiaq 1. Immikkut maluginiaqquneqarpoq alcopopsit imaluunniit alkoholsodavandit baajanut ilanngunneqarsimanerat, taakku inuusuttut akornanni piffissami kingullermi alutorineqarluarput.
Takussutissiaq 1. Oqimaalutat| Suussuseq | Sakkortussuseq | Kimittussuseq | Oqimaalutaq | Akitsuuserfik | Akitsuut liiterimut, kr. |
|---|---|---|---|---|---|
| Baaja | Kimikitsoq | 1,21-3,09 | 2,150 | 11 | 3,50 |
| 3,10-4,09 | 3,595 | 12 | 8,00 | ||
| Nalinginnaasoq | 4,10-5,09 | 4,595 | 13 | 21,00 | |
| Kimittuneq | 5,10-7,09 | 6,095 | 14 | 30,00 | |
| 7,10-9,09 | 8,095 | 15 | 43,00 | ||
| Viinni | Viinni | 9,10-11,09 | 10,095 | 16 | 56,00 |
| 11,10-13,09 | 12,095 | 17 | 66,00 | ||
| 13,10-15,09 | 14,095 | 18 | 92,00 | ||
| Viinni akusaq | 15,10-18,09 | 16,595 | 19 | 114,00 | |
| 18,10-22,09 | 20,095 | 20 | 147,00 | ||
| 22,10-26,09 | 24,095 | 21* | 187,00 | ||
| 26,10-30,09 | 28,095 | 22* | 230,00 | ||
| 30,10-35,09 | 32,595 | 23* | 280,00 | ||
| Kimittooq | Kimittooq | 35,10-45,09 | 40,095 | 24 | 361,00 |
| 45,10-60,09 | 52,595 | 25 | 495,00 | ||
| 60,10-100,00 | 80,050 | 26 | 591,00 | ||
| * Imigassap pingasunut immikkoortitersimasut Akileraartarnermut Pisortaqarfimmit imigassamut kimittuumut ilanngunneqartarput. Saqqummersitami uani viinninut akusanut ilanngunneqarput. |
1 Imigassaq aalakoornartoq literimut = Imigassaq aalakoornartortalik literimut x oqimaassusaa/100. Takussutissiaq 1 takuuk Oqimaalutaanermut tunngasut.