Akit atuuttut

Ilisimatusarnermi sulialinnut sullissinermi atuisinnaalernissamut malittarisassaq Naatsorsueqqissaartarfiup sullitallu akornanni atuuttussaq suliarineqarpoq. Atuisinnaanermut isumaqatigiissummi akunnermut akit aalajangersakkat il.il. atuutsinneqarput.

Atuisinnaalernissamut malittarisassaq Naatsorsueqqissaartarfimmit innuttaasut nalunaarsuutaannut suliareqqitaanngitsunut pioreersunut, assigiissaakkanut aammalu uppernarsarneqarsimasunut atuisinnaalernissamut periarfissiivoq. Ingerlaasissamut akinullu ataani takussutissiaq takuuk.

 

Atuisinnaalernissamut malittarisassamut assersuut – ingerlaaseq akillu

Suliaq

Imarisaa

Periaaseq

Suliamut ataatsimut aki DKK

Tamakkiisumik aki DKK

Attaveqarneq siunnersuinerlu

Sullitarlu oqaloqatigiinneq

Akunnerit sisamat siulliit akeqanngillat

0

0

Qinnuteqaatip suliarinera suliassamillu aaqqissuussineq

Misissuineq, paasissutissiineq, atuisinnaanermut isumaqatigissummik qinnuteqarneq

Akunnernut tallimanut aki aalajangersimasoq

1.018

5.090

Suliassap aaqqissuunnera

Suliassap aaqqissuunnera, nakkutiginninneq, serverimik atuisinnaanermullu akuersissummik atuineq  

Aki aalajangersimasoq 

5.000

5.000

Nalunaarsuutinik ataatsikkut ingerlatsineq malunnaarsaarinerlu

Nalunaarsuutit ataatsikkut ingerlanneri, pingaarnersiukkat ilisarnaasersorneri uppernarsaanerlu

Akunnermut ataatsimut akiliut (nalunaarsuiffimmut ataatsimut akunnerit marluk, minnerpaamik naluaarsuiffiit marluk assigalugu akunnerit sisamat)

1.018

4.072

Assersuut

Ilisimatusartup isertitanut nalunaarsuutit kiisalu ilinniartitaanermut nalunaarsuutit ataatsimoortillugit ingerlatsippai

 

 

14.162

 

Atuisinnaanermut isumaqatigiissut

Atuisinnaalernermut isumaqatigiissut ullormi isumaqatigiissuteqarfigineqartumiit ukioq ataaseq atuutissaaq. Isumaqatigiissummik sivitsuineq ukiumut 5.000 DKK-nik akeqarpoq. Saniatigut sullitamiit Naatsorsueqqissaartarfimmut annertunerusunik suliassiineq akunnermut 1.018 DKK-nik akeqarpoq.

 

Atuisinnaanermut isumaqatigiissut annertusisaq

Ilisimatusarnikkut sulianut Naatsorsueqqissaartarfiup neqeroorutaani ilaanngitsunik imalinnut, taamaattumillu atuisinnaanermut malittarisassap iluani naammassineqarsinnaanngitsunut, Naatsorsueqqissaartarfik aningaasartuutaasinnaasunut allanut akunnikkaartumik akiliisitsisarpoq. Nalunaarsuutillu atuisinnaanermut neqeroorummi ilaanngitsut sullitamit kissaatigineqarpata, Naatsorsueqqissaartarfik pisussaaffeqarpoq isumaqatigiissut annertusisaq sullitamut akiligassanngorlugu inatsisilerituunut nalilersortinnissaanut. Tamatuma kingorna Naatsorsueqqissaartarfimmi aqutsisut peqatigalungit isumaqatigiissutip annertusineqarnera pillugu isumaqatiginninniarneq ingerlanneqassaaq.