FN-ip Nunarsuarmi anguniagai (SDG)

2015-imi FN-imut ilaasortat nunat 193-it ‘Nunarsuarmi anguniakkat 17-it Sustainable Development Goals’-imik naalisarlugit ‘SDG’-mik taaneqartartut akuerivaat. Anguniakkat nunarsuup piujuartitsinnissaanik siunertaqarput. Anguniakkat ilaatigut tassaallutik, kaanerup annikillisinneqarnissaa, ilinniarnerup annertusinissaa, ineriartornissaq, nunarsuullu pissarititaanik piujuartitsinissanik ineriartortitsinissaq.

FN-imit maleruagassani naleqqersuutit 200-nit amerlanerupput, taakku atorlugit nunarsuarmi anguniakkat sumut killinnersut takuneqarsinnaapput. Nunarsuarmi anguniakkat uani atuarneqarsinnaapput

Nunat angisut naleqqersuutit tamaasa tamakkiisumik immersorsinnaanngilaat aamma naleqqersuutit ilaat nunanut aalajangersimasunut tulluanngillat. Kalaallit Nunaannut aamma taamaappoq. Kalaallit Nunaata pisortatigoortumik nittartagaa SDG-mut tunngasoq uaniippoq.

Naatsorsueqqissaartarfiup nittartagaani kisitsisaatigineqareersut naleqqersuutit katersorlugit saqqummersippai. Katersat ima agguataarneqarput:

FN-ip anguniagaanut naleqqersuutit

FN-ip anguniagaanut naleqqersuutit assinginik naleqqersuutitallit.

Taarsiissutitut naleqqersuutit

Taarsiissutitut naleqqersuummik taaneqartut tassaapput FN-ip anguniagaani naleqqersuutinut Kalaallit Nunaanni kisitsisitigut paasissutissaqanngitsunut taarsiissutit, FN-imiilli naleqqersuutinut assingusumik siunertalittut sammivilittullu nalilerneqartut.

Kalaallit Nunaanni naleqqersuutit

Nunarsuarmi anguniakkat nunarsuarmioqatigiinnut siammasissuunerat pissutaalluni anguniakkat naleqqersuutillu tamakkerlutik tamanut naleqquttuaannanngillat. Kalaallit Nunaanni naleqqersuummik taaneqartut tassaapput naleqqersuutit Naatsorsueqqissaartarfiup nunarsuarmi anguniakkat naleqqersuutaannut ilassutitut siunnersuutai.