Kalaallit Nunaannik ilisarititsineq naatsunnguaq

Greenland in Figures paasiuminartuullunilu atuaruminartuuvoq, tuluttut oqaasilinnut Naatsorsueqqissaartarfimmit neqeroorut. Quppersagaq takornarissanut inunnullu nunanut attaveqartunut saaffiginnippoq, Kalaallit Nunaanni pissutsit quppersagaaqqami paasissutissiissutigineqarput. Quppersagaq 40-nik qupperneqarpoq paasissutissanik makkuninnga imaqarluni: inuiaqatigiinnut tunngasut, silap pissusaa, aningaasaqarneq allarpassuillu. Greenland in Figures nittartakkakkut aaneqarsinnaavoq imaluunniit Naatsorsueqqissaartarfimmut saaffiginninnikkut piniarneqarsinnaavoq.