Misissukkat amerlassusaannik killiliineq
Kisitsisini paasissutissani matumani pineqartut tassaapput Naatsorsueqqissaartarfiup inunnik nalunaarsuiffiani inuit ukiup naanerani Kalaallit Nunaanni kommunini najugaqartutut allattorsimasut. Inuit nalunaarsuiffianni sumiiffimmi najugaqartutut allaqqasoq tassani najugaqartutut naatsorsuussaavoq, inuillu allattorsimaffianni sumiiffimmi najugaqartutut naatsorsorneqarsimaneq kommunit naatsorsuuserisarfianni allami najugaqartutut allaqqasinnaalluni.
2014-imiit 2017-imut meeqqanut tapiissutinik pisartagallit amerlassusaat tapiissutit tunniunneqartut amerlassusaat malillugit killileqqinneqarput. Qaammat decembarimi meeqqanut tapiissutigineqarsimasoq 239 kr.-nit minneruppat (2013-imi meeqqanut tapiissutigineqartartoq minnerpaaq) tapiiffigineqartoq naatsorsuutini ilanngunneqassanngilaq.
2018-imi aamma 2019-imi tapiissutinik pisartut tamakkerlugit misissukkat amerlassusaanni kisinneqarput.
Ukiut
Ukiumi pineqartumi decembarip naanerani ukiorisat malillugit naatsorsorneqarput.
Meeqqat amerlassusaat
Meeqqat amerlassusaat ukiumi pineqartumi decembarip naanerani naatsorsorneqarput. Kisitsineq kommunit naatsorsuuserisarfiinit tigusanit meeqqanut tapiissutit tunniunneqartut ataasiakkaat, meeqqat inuttut normuinut atassuteqartut malillugit pivoq.
Kommunit naatsorsuuseriviini kukkunerit
Ilisimatitsissutigineqarpoq kommunit naatsorsuuseriviisa allattorsimaffii kukkuneqarsinnaammata.